Не треба да се објави ништо ако во настапот на премиерот има – ништо!
Објавено во Рецензии
on 22 - 07 - 2015 Автор: Зоран Бојаровски
[Рецензија: Владата со засилено темпо ќе се фокусира на проектите и реализација на ветеното – СДСМ без програма]
Ништо ново во оваа рецензија, но додека медиумските стражи за проверка на фактите се будни, нема да помине. Нема да помине незабележан еден пристрасен, навивачки текст врз основа на едно интервју на премиерот и на толкувањата или списокот на желби на еден експерт.
Но, да тргнеме по ред, од насловот, медиумот и од датумот на објавувањето, а потоа и со аргументите кои треба да го елаборираат почетокот од оваа рецензија.
Линк до оригиналниот напис: Владата со засилено темпо ќе се фокусира на проектите и реализација на ветеното – СДСМ без програма
Датум и време на објавување: 20.07.2015, 14:12
Датум на рецензирање: 21.07.2015
Рецензент: Зоран Бојаровски
На почетокот да процениме дали надвор од оваа новинарска содржина има информација вредна да биде вест – да биде нешто што е новина, нешто што првпат се објавува, нешто што е различно од претходниот ден.
Да бидеме чесни и да се согласиме дека нема нешто такво.
Тогаш, логично следува прашањето зошто некој би правел медиумска содржина ако таа содржина нема новина?
Можеби заради тоа што се пренесува мислење на некоја важна личност? Да, навистина, во текстот што го рецензираме се пренесуваат мислења од претседател на влада од интервју дадено за друг медиум. Но, дали е тоа доволно? Дали сѐ што ќе каже премиерот, секој негов јавен настап, заслужува медиумска содржина. Не. Тој во таквите настапи мора да донесе новина. Простете, но тука јавноста не препознава такво нешто.
Кога нема новина, кога нема ексклузивност, појавата на која било важна личност, не носи сама по себе информација вредна за објавување. Тоа, новинарот, медиумот, треба да го процени и да не објави ништо ако во настапот на премиерот има ништо.
Спротивната постапка веднаш наведува на тоа да помислиме дека се работи за пристрасност. За застапување во полза на само една страна. На еднострано информирање. Зашто, мора да има нешто што вели дека не е во ред, по толку критики на адреса на премиерот, да му отстапите простор за ништо.
И во Кодексот на новинарите има член кој укажува токму на тоа, на политичката пристрасност. Член 14 вели:
Известувањето од политичките процеси, посебно од изборите треба да биде непристрасно и избалансирано. Новинарот мора да обезбеди професионална дистанца од политичките субјекти.
Овде, таква неопходна, професионална дистанца, не гледаме.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални, неофицијални
релевантни, нерелевантни
2 извори
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови