Насловот ја залажува публиката
Објавено во Рецензии
on 25 - 05 - 2016 Автор: Владо Ѓорчев
[Рецензија: Проколната матура 2016: По ученичката и професор умрел на прослава]
Во време на матурски прослави ваков наслов многу лесно привлекува внимание, особено ако известува за смртни случаи или трагедии. Објавата што ја рецензираме во насловната конструкција намерно не кажува каде се случила трагедијата и ја залажува публиката дека станува збор за случка од Макдеонија. Всушност, станува збор за настан од Босна.
Јасно е дека идејата е да се соберат што повеќе кликнувања и споделувања по социјалните мрежи. Ваквиот пристап е целосно непрофесионален и се коси со принципите на етички исправното новинарство.
Линк до оригиналниот напис: Проколната матура 2016: По ученичката и професор умрел на прослава
Датум и време на објавување: 22.05.2016, 16:50
Датум на рецензирање: 23.05.2016
Рецензент: Владо Ѓорчев
НЕПРОФЕСИОНАЛНОСТ
Насловот е така формулиран што на прв поглед изгледа како да имало трагедијата на некоја матурска прослава кај нас. Но, тоа не е така, се работи за случај, поточно за два одвоени случаи во Босна, ама тоа читателот го забележува дури откако ќе почне да го чита содржинскиот дел на веста.
Се поставува прашањето каде е јавниот интерес од сето ова? Една трагедија да се злоупотреби за некакви поинакви цели од тие за кои се залага професионалното новинарство, тоа е некоректно и во најмала рака е невкусно.
Тоа е спротивно со членот 1 од Кодексот на новинари кој вели:
Новинарот има право на слободен пристап до сите извори на информирање што се од јавен интерес.
Новинарот треба да објавува точни, проверени информации и нема да прикрива суштински податоци и да фалсификува документи.
Доколку информацијата не може да се потврди или станува збор за претпоставка, односно шпекулација, тоа треба да се каже и да се објави.
Точноста на информацијата треба да се провери колку што е тоа можно.
Истовремено, текстот е пренесен некритички, како гола информација преземена од некои босански медиуми, без да се наведе точниот извор. Згора на тоа, написот поврзува две приказни, без да направи за тоа дигресија во насловот. Имено, кога ќе се прочита насловот: „Проколната матура 2016: По ученичката и професор умрел на прослава“, се добива впечаток дека се работи за настан кој се случил на една прослава. Но, кога ќе се причита текстот, се забележува дека едниот настан се случил во Жепча, а другиот во Чапљина и тие воопшто не се поврзани.
Така што, текстот е врамен со сензационалистички наслов кој е збунувачки и наведува на погрешно мислење. Во содржината, пак, не се нуди никакво дополнување на приказната, на пример, мислења од лекари кои би ги предупредиле младите да не консумираат алкохол за време на матурските прослави. Дополнително, тој е илустриран со фотографии на кои не им е наведен изворот.
Сè на сè, ова е непрофесионално сработен и пласиран напис, пример за тоа како не треба да изгледа еден новинарски материјал.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни
не може да се утврди
повеќестрани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
не може да се утврди
не може да се утврди
не аплиактивно
комерцијална пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
има контекстуални линкови
стилски уреден
поврзан со тагови