Многу зошто, ниту едно затоа
Објавено во Рецензии
on 17 - 05 - 2016 Автор: Ана Анастасовска
[Рецензија: Револт поради десетминутниот огномет во Скопје]
Многу прашања и претпоставки, а ниту еден одговор. Овој новинарски напис, кој воедно е и предлог на наш читател, на публиката не ѝ нуди ништо освен коментари.
Линкуван наслов на анализираниот напис: Револт поради десетминутниот огномет во Скопје
Датум и време на објавување: 13.05.2016
Датум на рецензирање: 16.05.2016
Рецензент: Ана Анастасовска
СКУДНА ИНФОРМАЦИЈА
Текстот што е пред нас само скудно информира за силниот огномет, кој во петокот (13 мај 2016 г.), вечерта во 22 часот, ги вознемири жителите на општина Карпош, особено тие што живеат во близина на „Сити мол“. На самот почеток написот соопштува:
„Многу граѓани, посебно жителите на Карпош беа вознемирени и револтирани од вечерашниот силен огномет кој се слушаше во цело Скопје.Причината според граѓаните кои пишуваат на социјалните мрежи е отворањето на нова централа на една банка во населбата Карпош.
Вечерва, беа затворени две улици во Карпош поради отворање на новата централа на банката, со образложение дека биле поканети битни гости од политиката, а неколку минути подоцна почна десетминутниот огномент кој ги вознемири граѓаните.“
Меѓутоа, текстот не им дава на читателите целосна информација. Од него не може да се разбере за која банка станува збор и каде поточно е отворена нејзината нова централа.
Исто така, текстот се повикува на реакциите на граѓаните на социјалните мрежи, но тоа е единствениот извор на кој се потпира. Добиените информации не се проверени барем уште од еден извор.
Во објавата на една телевизија, пак, од каде за да обезбедат информација за огнометот што траеше речиси половина час, се јавиле во Противпожарната единица на Скопје, информацијата е поткрепена и од друг извот. За телевизијата, од Противпожарната служба изјавиле:
„Се работи за огномет организиран од Прокредит банка, која вечерва имала прослава кај Сити Мол во Карпош 4.“
Меѓутоа, написот што го рецензирае, наместо одговори и конкретни информации, коментира и прашува:
„Останува нејасно зошто жителите на Скопје се должни да ги трпат приватните или бизнис журки и со кое право се затвораат улиците затоа што некој политичар требало да оди на отворањето на банката?“
Се разбира дека ќе остане нејасно ако не се побараат одговори од надлежните институции!
Задача на новинарите е да прашуваат и да ги поставуваат прашањата на вистинското место. Дури и да не се добие одоговор, потребно е тоа да се назначи за да се види дека е побаран став.
Овој текст се обидел да информира за настанот, ама потоа, изгледа, му било полесно да ја „сврти плочата“ и да коментира.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
неповрзан со тагови