Медиумите не служат за омаловажување на колегите
Објавено во Рецензии
on 4 - 05 - 2016 Автор: Владо Ѓорчев
[Рецензија: Новинарите од Канал 5 трк по бугарски пасош, бродот тоне, а глувците се спасуваат!]
Текст со недоличен говор, со шпекулации, невистини… Иако има само една реченица, се гледа намерата со неа да се омаловажи новинарка од друг медиум. Притоа целиот текст се става во политичка конотација, без потреба, и што е најважно – без аргументација за тоа, односно без обид да се дознае дали новинарката можеби била на задача.
Линк до оригиналниот напис: Новинарите од Канал 5 трк по бугарски пасош, бродот тоне, а глувците се спасуваат!
Датум и време на објавување: 28.04.2016
Датум на рецензирање: 01.04.2016
Рецензент: Владо Ѓорчев
Текстов е направен на основа на една фотографија која се користи како доказно средство дека новинарката чека за бугарска виза пред Министерството за правда на Бугарија. На една од трите фотографии (кои подоцна ги снема од порталот, но останаа видеозаписите и текстот) се гледа само како посочената колешка седи на клупа. И тоа е целата вистина. Ниту има доказ за тоа дека фотографијата е направена во Бугарија, а уште повеќе нема аргумент дека тоа е пред Министерството за правда. И ако е така како што тврди текстот, дека новинарката ја забележале на тоа место – зошто не ја прашале што прави таму? Можеби би се изненадиле од одговорот – дека е на прошетка, дека е на службено патување или дека, можеби, студира таму? Дали сето тоа е забрането?
Написов нема никаква врска со вистината. Тој е несодржаен и необјективен, напаѓа, а не дава можност нападнатиот да се брани. Со тоа се прекршени повеќе членови од Кодексот на новинари, меѓу кои најексплицитно членот 16:
Новинарот ќе ги чува угледот и достоинството на својата професија, ќе ги поттикнува заемната солидарност и различност на ставовите и нема да го употреби својот медиум за пресметка со личности, вклучувајќи ги и своите колеги.
Текстови што служат за напад врз колеги се далеку од професионални. Башка, овој напис паѓа на испитот по сите прашања од методологијата на „Сервис за проверка на факти во медиумите“, како што се: содржајност, вистинитост, објективност, извори…
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
не аплиактивно
друга пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
не апликативно
нема контекстуални линкови
делумно стилски уреден
неповрзан со тагови