Манипулација 200 отсто
Објавено во Рецензии
on 7 - 11 - 2015 Автор: Зоран Бојаровски
[Рецензија: Пациентите задоволни 100%]
Како прво, ниту една институција, организација или компанија не организира и не спроведува анкети сама за себе, од наједонставна причина што таквата анкета по ниту една основа не може да биде објективна, а со тоа ниту релевантна.
Прашањето кој ја прави анкетата, освен со нивото на објективност на истражувачката институција, е поврзано и со капацитетите и со стручноста на тимот што треба да формулира, спроведе, како и да ја интерпретира анкетата.
Како ја интерпретирале овие што ја спровеле оваа анкета за која толку некритички известува медиумот говори насловот: „Пациентите задоволни 100 отсто“.
Таков анкетен резултат е невозможен, уште повеќе и конкретно за оваа анкета, кога веќе и во самиот текст се наведуваат анкетни резултати за одделни прашања кои се движат од 80 до 97,8 отсто. Тоа значи дека, едноставно, не е можно 100 отстотно задоволство на анкетираните од здравствените услуги.
Но, тоа новинарот или новинарката што го напишале овој текст, како и уредникот на медиумот, воопшто не ги загрижува.
Тие едноставно својата работа ја завршиле во моментот кога не се запрашале како е можно 100 отсто позитивен одговор на една анкета. Особено кога таа анкета го истражува квалитетот на здравствените услуги во Македонија.
Линк до оригиналниот напис: Пациентите задоволни 100%
Датум и време на објавување: 30.10.2015
Датум на рецензирање: 05.11.2015
Рецензент: Зоран Бојаровски
Вака пренесена анкетата, говори дека новинарот, односно новинарката не се запрашале дали анкетата била анонимна, дали била изведена преку телефон или како поинаку. Медиумските приредувачи на оваа новинарска содржина не се запрашале ниту како е формиран примерокот на испитаниците. Ова е особено важно кога станува збор за анкети на национално ниво, за кои е неопходен репрезентативен примерок (кој ќе соодветствува на составот на населението во државата по пол, социјален статус, географска распространетост, етничка припадност, образование…).
Тој што спроведува анкета, може и не мора да се држи до овие суштински правила во спроведувањето анкети. Ако не се држи до овие принципи, тогаш таа анкета нема релевантност и не е вистински репрезент на јавното мислење за одредено прашање. Ако е тоа така, новинарите што известуваат за вакви анкети, едноставно, не можат, а да не ја доведат таа анкета во прашање.
Но, во случајот на текстот што го рецензираме, немаме таков пристап кон анкетата која е мотивација за него, и, како таков тој, текстот, станува само уште една алка во пропагандата за политиките на една политичка партија.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни, нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови