Личности за отстрел
Објавено во Рецензии
on 27 - 08 - 2015 Автор: Зоран Бојаровски
[Рецензија: Борјан од грчка плажа со навреди за Егејците]
Пред нас е уште еден од оние неброени текстови кои служат за да се гонат, денунцираат, да се клеветат луѓе поради искажан став. Хушкачките текстови против таквите луѓе се еден од најупотребуваните „медиумски“ формати на анонимни „новинари“ и на псевдомедиуми, а некои од тие луѓе на нивните листи за „отворен отстрел“. Преку цела сезона.
На таа листа се новинарот Борјан Јовановски и професорката и експертка за човекови права д-р Мирјана Најчевска.
Нивните изјави во јавноста, ставовите искажани на социјалните мрежи, редовно се дочекуваат на „нож“. Така е и овојпат, во оваа медиумска содржина.
Она што станува очигледно е дека воопшто не се одмерува искажаното. Не се вреднува дали навистина има аргументи, дали нивното мислењето нарушува некакви морални принципи, дали навистина е навредувачко…
Освен тоа, какво да биде некое мислење кое треба да сврти внимание на некои прашања или појави? Се разбира, никој не може да им го одреди на луѓето степенот на провокација заради тоа на некои, самоповикани политичко-едиумски „моралисти“ да им се допаѓаат некои личности и(ли) нивните мислења.
Но, бидејќи тие се нарекуваат медиуми, затоа ќе бидат ставени под лупата што ги мери нивните професионални стандарди и етички правила во новинарската професија.
Линк до оригиналниот напис: Борјан од грчка плажа со навреди за Егејците
Датум и време на објавување: 22.08.2015, 17:10
Датум на рецензирање: 27.08.2015
Рецензент: Зоран Бојаровски
Што е спорно во тоа да се повлече паралела меѓу судбината на бегалците од Егејска Македонија и бегалците од Сирија, Авганистан…? Зошто некому би му пречело потсетувањето дека Република Македонија веќе го има доживеано бегалскиот егзодус и дека, следствено на тие искуства, од народот и од властите во Македонија се очекува малку поголоемо разбирање за судбината на бегалците што ова лето на патот на својата голгота ја поминуваат и нашата земја, но со многу проблеми?
Изнесените мислења се лични. Објавени на нивните лични профили на „Фејсбук“. Со оглед на тоа дека станува збор за проминентни личности, нормално е да предизвикаат медиумско внимание. Но, тоа медиумско внимание, во овој случај, во случајот на текстот што го рецензираме, е хушкачки напад врз личности. Нема соочување со мислењата со аргументи, туку се наведени небитни детали од кои се изведува политичката разлика со оние за кои се пишува и врз основа на таа разлика се организира напад.
Членовите 10 и 16 од Кодексот на новинарите, во однос на овие аспекти, сугерираат нешто сосема друго како дел од високите професионални стандарди:
Член 10.
Новинарот нема свесно да создава ниту преработува информации што ги загрозуваат човековите права или слободи, нема да говори со јазикот на омразата и нема да поттикнува на насилство и дискриминација по која било основа (национална, верска, расна, полова, социјална, јазична, сексуална ориентација, политичка…).
Член 16.
Новинарот ќе ги чува угледот и достоинството на својата професија, ќе ги поттикнува заемната солидарност и различност на ставовите и нема да го употреби својот медиум за пресметка со личности, вклучувајќи ги и своите колеги.
Текстот што го рецензираме е далеку од овие стандарди и препораки. Тој како да го афирмира она мислење кое тврди дека идеалот на тоталитарните режими се луѓе без став.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
говор на омраза
не потикнува на насилство
дискриминира
политичка дискриминација
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
неповрзан со тагови