Кога непромислениот говор станува навредлив
Објавено во Рецензии
on 19 - 07 - 2016 Автор: Димитар Тануров
[Рецензија: Невестата го остави вереникот за време на церемонијата, но добро обрнете на нејзините раце]
Написот, според неговата содржина, е несоодветно категоризиран, има наслов што остава погрешен впечаток, а истовремено, сакајќи да биде повпечатлив, запаѓа во замката да биде сфатен двосмислено и да испрати навредлива порака.
Линк до оригиналниот напис: Невестата го остави вереникот за време на церемонијата, но добро обрнете на нејзините раце
Датум и време на објавување: 14.07. 2016
Датум на рецензирање: 18. 07. 2016
Рецензент: Димитар Тануров
ВАЖНИ СЕ САМО КЛИКНУВАЊАТА
„Бритни е преубава невеста која за жал е глува но исто така и е многу страствена кога е заковниот јазик во прашање. За време на свадбената церемонија, Бритни одлучила со својот иден сопруг да се изрази на еден единствен начин.“
Според содржината што ја пренесува, веста е повеќе соодветна за категоријата „забава“, отколку за „свет“ каде се пренесуваат информации со поголема тежина и сериозност. Истовремено, целиот напис се темели на видеозапис, кој е стар неколку месеци, односно од 3 мај, што посочува дека истовремено станува збор за „бајата вест“.
Исто така, текстот нема соодветна интерпункција што ќе ги подели долгите реченици и ќе овозможи полесно следење на текот на мислата. А името на младоженецот Евен, пак, е погрешно транскрибирано, би требало да биде „Еван“.
Освен јазични и граматички грешки, написот, веројатно, непромислено користи несоодветни изрази, како на пример :
„… за жал е глува…“
„… исто така и е многу страствена кога е заковниот јазик во прашање…“
Ова може да биде навредливо за глувонемите лица, особено придавката „страствена“ (односно „страсна“) за знаковниот јазик.
Според насловот, а и последната реченица од написот се добива впечаток дека невестата ја напушта свадбата и младоженецот, а не дека се повлекува неколку чекори настрана, за преку знаковен јазик и песна да ја изрази својата љубов. Вака составениот наслов во кој, инаку, има и грешка – пропуштен е зборот „внимание“, остава сомнеж дека главна цел не му е да информира, туку да собере што повеќе „кликови“.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
неофицијални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
нема лажни информации
комерцијална пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
има контекстуални линкови
делумно стилски уреден
неповрзан со тагови