„Ексклузивно“: Чаршиски муабет!
Објавено во Рецензии
on 14 - 04 - 2016 Автор: Ана Анастасовска
[Рецензија: Ексклузивно: Груевски и Чавков подготвуваат апсење на Заев и други лица од опозицијата]
Ми се сонило нешто, па чекај да го раскажам и да го пласирам како ексклузивна вест. Што друго може да се каже за овој напис? Тој нема никаква веродостојност, само сензационалност.
Линк на оригиналниот напис: Ексклузивно: Груевски и Чавков подготвуваат апсење на Заев и други лица од опозицијата
Датум и време на објавување: 08.04.2016
Датум на рецензирање: 13.04.2016
Рецензент: Ана Анастасовска
„ЕКСКЛУЗИВКАТА“ ТРГНАТА ОД ВЕБ-СТРАНИЦАТА
Насловот на текстот е навистина сензационален и ве наведува веднаш да кликнете на него и да прочитате за што станува збор. Но, кога ќе го отворите текстот, всушност, гледате дека се работи за чаршиски муабет, поткрепен со формулацијата „дознава нашата редакција“. Значи, повикај се на анонимни извори и имаш текст. Но, не е така.
Веста, според професионалните новинарски стандарди, треба да биде потврдена од најмлаку два извори и, секако, да содржи изјави преку кои ќе се проверат информациите.
„ВМРО-ДПМНЕ односно Никола Груевски и Митко Чавков во моментов подготвуваат сценарио за апсење на лидерот на СДСМ Зоран Заев и други лица од опозицијата дознава нашата редакција.“
Во текстот имаме директно посочување на одредени лица и нивно именување со име и со презиме. Тоа што недостига се изјави од посочените кои се обвинуваат дека ќе го апселе Зоран Заев.
„Како што велат нашите извори акцијата е веќе започната, Чавков и Глигоров од одделот за организиран криминал се тргнати по македонските полициски станици и со притисоци се обидуваат да ги отстранат началниците во МВР поставени од министерот Спасовски.“
Ова, исто така, можело да се провери во МВР. Сигурно таму би знаеле доколку Чавков и Глигоров тргнале по полициски станици и малтретирале началници.
„Дали Никола Груевски официјално со денешната акција става крај на пржинскиот договор останува да видиме во наредните неколку часа?!“
На крајот, како шлаг на тортата, се остава читателот во неизвесност, да видиме што ќе се случи во наредните неколку часа. И видовме. Текстот беше тргнат од веб-страницата, со што сето напишано падна во вода.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
неповрзан со тагови