Непотпишан коментар, објавен со идентичен текст на три интернет портали речиси истовремено, како очигледна координирана негативна кампања против кандидат за градоначалник од опозицијата.

Кога изворите соопштуваат сериозни обвинувачки и дискриминирачки наводи, мора да се направи обид да се побара одговор од засегнатата страна.

Меѓу два изборни круга во Општината Центар, каде кандидатот на опозицијата е во – условно – предност пред второто изјаснување на граѓаните, провладините медиуми, во кои порталот Курир има значајно место, не штедат напори да го оцрнат Андреј Жерновски. „Политичкото минато на кандидатот за градоначалник на Центар од здружената опозиција, не им оди во прилог ниту на опозициските политичари, а најмалку на граѓаните. Андреј Жерновски е човекот кој уништуваше, а не создаваше“ – се вели во воведот на темата под споменатиот наслов, која наведува на помисла на нешто навистина спектакуларно како сознание, а што ете, јавноста не го знаела, особено онаа од Општина Центар, која важи за натпросечно информирана. Накусо, авторот на текстот без потпис се повикува на два моменти:

Еден од трите спинови кои се појавуваат по дебаклот од посетата на премиерот на Кичево е тезата дека СДСМ е виновна за тоа што Кичево нема македонски градоначалник, откако вината најпрвин се префрли на Законот за територијална поделба од 2004 година, потоа на „предавството“ на турската партија на Кенан Ќасипи и Ромите од градот, за да конечно се најде и третиот спин – виновна е, членот на ДИК, Виолета Дума од СДСМ, која гласала воздржано во однос на предлогот за прегласување во три гласачки места, во овој град, заради колективно, групно гласање.

Кога приклонувањето кон полициската верзија значи кршење на принципот на пресумпција на невиноста и раѓа и дискриминација врз социјална основа.

Како што е вообичаено, мисиите на ОБСЕ/ОДИХР издадоа заедничко соопштение за своето набљудување на текот и одвивањето на локалните избори во Македонија. Вечер објави делови од извештајот кои сугерираат дека е целосен ама каде се исфрлени негативните страни на извештајот и со таквиот текст – односно со условно меѓународно покритие ги претвора изборите во фер и демократски.

Еден ден по протестот на Македонците во Кичево, пред штабот на ВМРО ДПМНЕ во овој град, исвиркувањето на премиерот, неговата блокада во зградата на неговата партија и бегството од овој град, неделникот Република излегува со текст на својот портал со кој виденото од Кичево го прогласува за нешто непостоечко, а незадоволството на кичевскиот народ, независно од мотивите, го пренасочува кон никој друг (а кој друг?) туку кон лидерот на СДСМ Бранко Црвенковски и поранешниот лидер на таа партија и премиер Владо Бучковски.

Во скопската рубрика на дневниот весник Дневник излезе текст кој се однесува на започната градба на неколку облакодери во населба Аеродром. Како трусно подрачје и заради други урбанистичко проблематични приоди кон олку високите згради во Скопје, кон инвестицијата со право постоеја подозренија. Весникот се обидува да ја сопре недовербата кон тие градби со написот во кој се вели дека: „До август годинава ќе заврши изградбата на двете од четирите 42-катници во Аеродром, уверени се инвеститорите од претставништвото на турската компанија „Џеваир холдинг“, кои со реализација на овој зафат почнаа во јули лани… Секоја зграда има од 180 до 185 столба, широки по еден метар, а длабоки по 24 метри. Тоа ќе бидат најбезбедните згради, способни да издржат земјотрес од 10

Кога новинарот се труди да го види она што сака да го види, ништо не може да го спречи во тоа.

Порталот Република објави вест од Охрид во која се вели дека „Бранко Црвенковски и Александар Петревски по сценарио од 1997 година создале нов ТАТ во Охрид“. Веста се повикува на изјава на високиот функционер на ВМРО ДПМНЕ Александар Николовски, пратеник во републичкото Собрание. Притоа се прави кармакашија од економски категории, па загуби на комуналните претпријатија се прикажуваат како пирамидална штедилница.