Рецензираме вест од  дванаесет реда во кои има осум граматички и словни грешки. Во брзина да се изрекламира уште еден „успех“  на Владата и да се покаже „благосостојбата“ во која живеат граѓаните, се заборавило пред објавување да се прочита текстот. Така, на читателите им е пласиран смешен, полн со грешки, несодржаен и нејасен новинарски производ за некакви статистички движења кои покажуваат генерален пораст на платите на сите вработени во државата, а посебно во секторот транспорт и градежништво, што треба да асоцира на посветеност на Владата која гради, создава и остварува. Линк до оригиналниот напис: Статистика бележи раст на платите во јануари трендот че продолжи до крајот на годината
Датум и време на објавување: 28.03.2014, 20:21 Датум на рецензирање: 29.03.2014 Рецензент:

За жал, пред нас имаме текст што остава впечаток на гола пропаганда и покажува дека од две неспоиви премиси дефинитивно ќе се дојде до нелогичен заклучок. Кога се мешаат баби и жаби и сето тоа за политички поени што треба да ги ќари некоја од партиите, неизбежниот резултат е пристрасноста. Во членот 14 од Кодексот на новинари пишува: Известувањето од политичките процеси, посебно од изборите, треба да биде непристрасно и избалансирано. Новинарот мора да обезбеди професионална дистанца од политичките субјекти. Неуверливиот пристап во мешањето на државното со личното име на еден од кандидатите за претседател, ние го толкуваме како пристрасност и обид за манипулација. Линк до оригиналниот напис: Пендаровски го променил личното име, каква ли ќе биде неговата одлука за

„За наслов во основа се избираат кратки, ефектни комбинации од зборови кои малку траат, многу кажуваат. Идејата за насловот во голема мерка треба да зависи, да извира од текстот на кој се однесува, да соодветствува на податоците, гледиштата на текстот. Општо правило е во насловот да се става најбитното, најсодржинското, најновото“ – Новинарски жанрови. Кога овој сегмент од новинарската теорија ќе се спореди со новинарската практика – конкретниот текст составен од само три пасуси, веднаш се гледа дека нешто сериозно „не штима“. Линк до оригиналниот напис: Сите бегаат од пораз: Хаос со листите на СДСМ Датум и време на објавување: 27.03.2014, 20:51 Датум на рецензирање: 28.03.2014 Рецензент: Владимир Мирчески  

АЛТЕРНАТИВНА ПЕРЦЕПЦИЈА НА ПРЕЗЕМЕН ТЕКСТ

Имаме преземен текст кој со одредени

Ова е уште еден од серијалот текстови што нагласено се труди да му наштети на кандидатот на опозицијата за претседател на државата. Па, со цел колку што може повеќе да се оцрни неговата личност, се копа се подлабоко и подлабоко  и „доказот“ задолжително мора да се пронајде  во некаква комбинација со експретседателот на државата и поранешен лидер на СДСМ. Овој пат спектакуларното откритие е дека „гревот“ на претседателскиот кандидат на СДСМ е територијална поделба од 2004 година: „И тогаш Пендаровски беше клучниот верификатор на погубната поделба на земјата по етничка линија и албанизацијата на Кичево, Струга и Скопје“ Но, обландирано како оценка на двајца „експерти“. И тоа едниот пратеник од владејачката партија, а другиот  познат во јавноста по тоа што

Материјалот нема каква било допирна точка со информативно новинарство, бидејќи не одговара на основните критериуми за една вест: кој, што, каде, кога, како. Оттука, текстот не носи новост. Ако нема јасна информативна, или некаква основна аналитична компонента, тогаш се поставува прашањето која е целта на неговото објавување, или поточно која е суштината на неговото постоење? Одговорот е многу едноставен: создаден е бидејќи сме во предизборна кампања за претседател на државата! Значи, поентата не е да информира, анализира, па дури и да шпекулира, туку само да омаловажува личност која, секако, не е од саканиот табор. Линк до оригиналниот напис: Црвенковски во промотивниот спот на Пендаровски Датум и време на објавување:  27.03.2014, 14:49 Датум на рецензирање:  27.03.2014 Рецензент: Владимир Мирчески  

ЗОШТО САМО

Текстот што го рецензираме е еден од оние репрезенти на онлајн „новинарството” за кои никогаш не знаеш што се, на кој жанр му припаѓаат: личи на колумна, мислење, коментар, но, освен што нема потпис на авторот, што е еден од елементарните елементи на овие жанрови, нема ниту графичко укажување во дизајнот дека се работи за колумна. Значи, не е рубрициран. Така сугерира и членот 13 од Кодексот на новинарите: „Новинарот треба да прави разлика меѓу фактите и мислењата, меѓу веста и коментарот.“ Линк до оригиналниот напис: Даниел Кајмакоски: Славата го надвладеа патриотизмот?! Датум и време на објавување: 24.03.2014, 17:20 Датум на рецензирање: 27.03.2014 Рецензент: Зоран Бојаровски Непочитувањето на разликите меѓу фактите и мислењето во новинарството не е ниту етички, ниту

Станува збор за куса вест која известува за самоубиство во Битола, но на сосема погрешен начин. Всушност, дискутабилно е дали воопшто требало да се информира јавноста за овој трагичен настан, со оглед дека не е во прашање јавна личност. Во анализата објавена на страниците на Сервисот за проверка на факти од медиумите: (Не)етичко известување: Дали медиумите влијаат на бројот на самоубиствата?, м-р Жарко Трајаноски укажува дека медиумите не треба да ги покриваат сите случаи на самоубиство, туку само некои. И во Прирачникот за етиката во новинарството се напоменува  дека новинарите не треба да даваат гласност на сите случаи на самоубиство: „Во светот е усвоена практика за самоубиствата генерално, а особено за анонимните луѓе, воопшто да не се пишува“ Така што,

Текст кој упорно се труди да пропагира нешто, да агитира. Вест која упорно сака да докаже нешто, што според досегашните закони на природата, не се докажува. И впрочем текст кој сака сосила да ни наметне некое мислење, а тоа го прави дури и по малку агресивно, со постојано повторување на фразите, на поимите и на термините. Линк до оригиналниот напис: Црвенковски нема да присуствува на Конвенцијата на Пендаровски затоа што знае што ќе каже Датум и време на објавување: 24.03.2014, 17:08 Датум на рецензирање: 25.03 2014 Рецензент: Владо Ѓорчев  

КОНСТРУКЦИЈА ОД НАЈДОЛЕН ВИД

Порталите блиски до СДСМ во обид да ја убедат јавноста дека Пендаровски не е избор на Бранко Црвенковски и не е близок до поранешниот лидер на

„ВМРО-ДПМНЕ вчера објави докази кои, како што велат од партијата, покажуваат дека со потпис на портпаролот на СДСМ, Петре Шилегов во времето кога оваа партија била на власт бизниси добивала и фирмата “Др. Пановски”. Оваа фирма, чиј основач е Златко Пановски близок до СДСМ и нивен спонзор, добила јавни набавки – тендери, за што конечно одлучил токму Петре Шилегов. Петре Шилегов буквално прераснува во главниот адвокат и портпарол на кланот Заеви и милионерите на СДСМ. Потписот на Петре Шилегов стои на решението со кое жалбата на фирмата Биотек за набавка на вакуум епрувети на ЈЗО Клинички центар се одбива како неоснована. За најповолен понудувач на оваа јавна набавка е избран “Др. Пановски”. Значи со ова решение на кое стои потписот

„Веста е таков облик на новинарско изразување со кој, во најкуси црти – откако ќе се одговори на прашањата: кој, каде, кога, што, како или зошто, и евентуално, од кого потекнуваат податоците и што ќе биде натаму – јавноста се известува за еден или повеќе факти: за некаков настан, за извесна општествена или природна појава, за некоја личност, при што тоа соопштение мора да биде ново, актуелно, вистинито, важно или занимливо…“ – Душан Славковиќ.     „Коментарот е јавно изразено или напишано мислење за внатрешниот склоп, предисторијата и последиците од еден актуелен настан или појава. Додека веста и извештајот зборуваат за настанот, појавата, човекот, дотогаш коментаторот, како најтипичен аналитички жанр, се прави по повд настанот, појавата, човекот“ – Душан Славковиќ.