All posts by Administrator

Ирена Мулачка од „Фокус“ со најдобра истражувачка сторија во 2013 година

на 25. 03. 2014 | | sq Автор: Administrator

Сторијата за комплицираните операции на катаракта во Градската болница, со кои им е оштетен видот на педесетина пациенти е првонаградена на конкурсот “Никола Младенов“ за најдобра истражувачка сторија во 2013 година. Серијата текстови на новинарката Ирена Мулачка се објавени во неделникот „Фокус“. Менче Атанасова Точи, новинарка во порталот „Нова ТВ“ е добитничка на втората наградата за серијата прилози посветени на алармантната состојба со загадувањето во Кавадарци. Третата награда ја освои Томислав Кежаровски за текстовите поврзани со истрагата за сообраќајната несреќа во која загина новинарот Никола Младенов, објавени во дневниот весник „Нова Македонија“. Годинава стручното жири додели и две пофалници за исклучителен новинарски ангажман. Новинарката Сашка Цветковска доби признание за примената на нови техники при истражување податоци на Интернет, во врска

Усилена сензационалност која тиражот го става над информирањето, превентивните мерки и заштитата од дискриминација

Објавено во: Актуелности

на 19. 03. 2014 | | Автор: Administrator

Асоцијацијата за здравствена едукација и истражување – ХЕРА остро реагира на написот објавен во весникот „Дневник“ од 19 март 2014 година, со наслов „ Алармантно ширење на ХИВ: од 11 нови случаи, осум се од врска на маж со маж“ поради следниве причини: – Демантираме дека ХЕРА учествувала во наведеното истражување и известуваме дека главните информации на кои се темели текстот сѐ уште не се публикувани. – Бројката на лица со ХИВ во објавената вест е далеку од алармантна, имајќи предвид дека се работи за истражување со кое целно се интензивира тестирање за ХИВ во рамки на група која е од особен ризик за ХИВ (односно кај мажите кои имаат секс со мажи), што е во согласност со

Говорот на омраза е кривично дело во Република Македонија

Објавено во: Актуелности

на 19. 03. 2014 | | sq, en Автор: Administrator

Од февруари 2014 во Република Македонија стапија во сила нови законски одредби кои забрануваат и казнуваат говор на омраза и ширење на материјали преку интернет кои промовираат или поттикнуваат омраза, дискриминација или насилство, против кое било лице или група, врз која било дискриминаторска основа. Со измените на Кривичниот законик кои Собранието по итна постапка ги усвои на почетокот на 2014 година и стапија во сила во средината на февруари (осум дена по нивното објавување во Службен весник на Р. Македонија, бр. 27 од 05.02.2014 година) членот 319 сега гласи: Предизвикување омраза, раздор или нетрпеливост
врз национална, расна, верска и друга дискриминаторска основа (1) Тој што со присилба, малтретирање, загрозување на сигурноста, излагање на подбив на националните, етничките, верските и други

Дебата „Што донесе декриминализацијата на клеветата?“

Објавено во: Актуелности

на 10. 03. 2014 | | Автор: Administrator

Центарот за развој на медиуми (ЦРМ), во рамките на проектот на УСАИД за одговорни медиуми и законодавни реформи во медиумската сфера, на 13 март 2014 (четврток), во Клубот на новинари, со почеток во 11.30 часот, организира дебата:

„Што донесе декриминализацијата на клеветата?“

Во дискусијата што ќе ја модерира новинарот Саше Димовски, како панелисти ќе учествуваат: адвокатот Филип Медарски, уредничката на неделникот „Фокус“, Јадранка Костова и претседателот на Здружението на новинарите на Македонија (ЗНМ), Насер Селмани. Очекуваме присуство на судиите кои ги водат предметите за навреда и клевета во Основниот суд Скопје 2 Скопје, како и нановинари, експерти за медиуми, и претставници од граѓанскиот сектор кои се занимаваат со човековите права и слободата на изразување. На дебатата ќе биде презентиран првиот

Слободни медиуми и слобода на изразување во Македонија

Објавено во: Активности

на 10. 03. 2014 | | sq, en Автор: Administrator

Меѓународниот институт за човекови права и мир во Каен, партнер во Програмата за децентрализирана соработка меѓу регионот Долна Нормандија и Република Македонија, заедно со Амбасадата на Франција во Скопје, посвети два работни дена во февруари годинава за анализирање на слободата на медиумите и изразувањето во Македонија.

Првиот ден, 26 февруари, 2014 година, беше резервиран за тркалезни маси и дебата (организирана во соработка со фондацијата Метаморфозис) со француски и македонски експерти од областа на правото и новинарството. Заедно со јавноста, што главно се состоеше од новинари и експерти што работат во ова поле, експертите ја споредија слободата на изразување и медиумите во Македонија и во Франција, од гледна точка на правната пракса. Француски експерти од организацијата Reporters without Borders (Репортери без

Промоција на Прирачник за новинарство засновано на податоци

Објавено во: Актуелности

на 3. 03. 2014 | | sq Автор: Administrator

Центарот за развој на медиуми (ЦРМ), во вторник, на 4 март 2013 година, во ГЕМ клубот во Старата скопска чаршија (Клуб „Менада“), со почеток во 12:00 часот, ќе го претстави македонското издание на „Прирачникот за новинарство засновано на податоци“. „Прирачникот за новинарство засновано на податоци“, приреден од Џонатан Греј, Лилијана Бунегру и Луси Чејмберс, изворно е издание на Фондацијата „Отворено знаење“ и на „Европскиот центар за новинарство“. Македонското издание на оваа значајна книга го подготви Центарот за развој на медиуми, финансиски поддржан од Фондацијата Отворено општество Македонија (ФООМ). Прирачникот е обид да им се приближи на новинарите секаде во светот, новинарството засновано на податоци. Македонското издание на прирачникот ќе го промовира новинарката Сашка Цветковска, која активно се

Слобода на изразување во Извештајот за човекови права за Македонија 2013

Објавено во: Актуелности

на 28. 02. 2014 | | sq Автор: Administrator

На 27.02.2014 Стејт департментот на САД ги поднесе до Конгресот годишните Извештаи за човековите права по земји за 2013 година (2013 Country Reports on Human Rights Practices). Извештаите, кои се издаваат по 38. пат, служат како основа за политиките и странската помош на Владата на САД. Тие се исто така референтна точка за други влади, меѓународни институции, невладини организации, правници, научници, заинтересирани граѓани и новинари. Во извештајот за Македонија (Country Reports on Human Rights Practices for 2013: Macedonia) е наведено дека: „Најкритичен проблем со човековите права беше неуспехот на Владата целосно да го почитува владеењето на правото, вклучително мешањето на државните и партиските активности, интервенирањето во работата на судскиот систем и медиумите, селективното судско гонење на политичките противници, како и

Промоција на Прирачник за заштита од дискриминација врз основа на сексуална ориентација и родов идентитет

Објавено во: Актуелности

на 18. 02. 2014 | | Автор: Administrator

Коалицијата „Сексуални и здравствени права на маргинализираните заедници“ во среда на 19 февруари во 13.00 часот во ЕУ Инфо Центарот во Скопје ќе го промовира Прирачникот со меѓународни стандарди за заштита од дискриминација врз основа на сексуална ориентација и родов идентитет. Во него се претставени одредбите за забрана на и заштита од дискриминација во најзначајните меѓународни договори за заштита на човековите права усвоени од Обединетите нации, правната пракса на одделните Комитети во случаи на заштита од дискриминација врз основа на сексуална ориентација и родов идентитет, како и препроаките и согледувањата на Комитетите во врска со сексуалнта ориентација и родовиот идентитет како заштитени основи. Понатаму, дадени се најзначајните пресуди на ЕСЧП во врска со случаи за заштита на правата на лицата

Основен суд Скопје 1: Повик за средба со новинари за измените на ЗКП

Објавено во: Актуелности

на 23. 01. 2014 | | sq Автор: Administrator

На 20.01.2014. Основниот суд Скопје 1 го објави следното соопштение во врска со промените на Законот за кривична постапка (ЗКП) кои стапија на сила од 1 декември 2013 година: СООПШТЕНИЕ ЗА ЈАВНОСТ Се известуваат сите заинтересирани новинари дека на 23.01.2014 година во 12:30 часот во сала 1 ќе се одржи средба за нивно информирање во врска со новините во кривичната постапка согласно одредбите од новиот ЗКП, како и досегашните искуства на овој суд од започнувањето со примена на овој закон. Со почит, Канцеларија за односи со јавност при Основен суд Скопје 1 Скопје
На 16.01.2014. Сервисот за проверка на факти од медиумите ja објави новинарската лекција „Законот за кривична постапка – нова брана за пристапот до информации“ од Саше Димовски.

Фронт за слобода на изразувањето: Владата да ги повлече медиумските закони

Објавено во: Актуелности

на 23. 12. 2013 | | Автор: Administrator

Фронтот за слобода на изразувањето, имајќи ја предвид очигледната намера на власта, по секој цена и што побрзо, да го донесе законот за медиуми, изразува сериозна загриженост за и онака загрозената слобода на медиумите во Република Македонија. Последните настани околу предлог-законот за медиуми и наводниот договор меѓу Министерството за информатичко општество и администрација и Здружението на новинари на Македонија, за промени во предложениот законски текст, недвосмислено покажуваат дека Владата сака, пред новогодишните празници, брзо, зад затворени врати, без широка јавна расправа и без меѓународен мониторинг, да биде усвоен законот за медиуми. Едновремено, нè вчудовидува и поддршката што меѓународната заедница му ја дава на овој нетранспарентен процес на експресно донесување на медиумските закони особено, затоа што, токму Европската комисија, неодамна, јасно