Злоупотребена слобода на говор
Објавено во Рецензии
on 21 - 04 - 2015 Автор: Зоран Бојаровски[Рецензија: Во судската постапка за „Пуч“ треба да се изречат најстроги казни]
Најмалку четири члена од Кодексот на новинарите се прекршени во медиумската содржина што ја рецензираме. Најтешко е повреден вториот став од членот 8, кој прецизно нагласува:
Во судските постапки треба да се почитува принципот на пресумпција на невиност, да се известува за сите инволвирани страни во спорот и да не се сугерира пресуда.
Во медиумската содржина која, во основа се пренесени акценти од учеството на „аналитичарот“ во некоја ТВ-емисија, за која не се наведува ниту нејзиниот наслов, ниту времето на емитување, како основни податоци за да има публиката oриентација за контекстот и за времето, се прекршени уште неколку суштински професионални стандарди на кои во последните извештаи на меѓународните организации за слободата на медиумите во нашата земја особено се фокусира вниманието: говорот на омраза, човекови права и слободи, односно правото на слободно изразување и политичко дејствување, како и поттикнувањето на насилство и на дискриминација. Впрочем, десеттиот член од Кодексот е сосема прецизен:
Новинарот нема свесно да создава ниту преработува информации што ги загрозуваат човековите права или слободи, нема да говори со јазикот на омразата и нема да поттикнува на насилство и на дискриминација по која било основа (национална, верска, расна, полова, социјална, јазична, сексуална ориентација, политичка…)
Линк до оригиналниот напис: Во судската постапка за „Пуч“ треба да се изречат најстроги казни
Датум и време на објавување: 15.04.2015 09:14
Датум на рецензирање: 20.04.2015
Рецензент: Зоран Бојаровски
Следејќи ја сопствената матрица за „стандарди“, приредувачите на оваа медиумска содржина целосно заборавиле на објективноста, која треба да се постигне со шанса за втората страна, како и видливо да се види медиумската дистанца од политичките субјекти. Како што вели членот 14 од Кодексот:
Известувањето од политичките процеси, особено од изборите треба да биде непристрасно и избалансирано. Новинарот мора да обезбеди професионална дистанца од политичките субјекти.
Се разбира, медиумот има право да избере политичка страна, но дури и тогаш, треба да внимава на минималниот праг на стандарди, зашто од медиум кој поддржува одредена политичка опција, до медиум-мегафон на некоја политичка партија има разлика. Исто како што има разлика од медиум кој им дава шанса на различните опции до оној медиум кој дава шанса само на една опција и тоа со намера да дискредитира личности од јавната сфера.
Зашто така препорачува и членот 16 од Кодексот:
Новинарот ќе ги чува угледот и достоинството на својата професија, ќе ги поттикнува заемната солидарност и различност на ставовите и нема да го употреби својот медиум за пресметка со личности, вклучувајќи ги и своите колеги.
За секој новинар, без разлика дали некоја политичка опција му е поблиска или не, важно е да знае дека слободата на говорот оди само дотаму додека не ги загрозува слободата, правата или физичката безбедност на другите луѓе, општествени групи или поединци. Овој текст како да заборавил на тоа.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
говор на омраза
потикнува на насилство
дискриминира
политичка дискриминација
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови