Жерновски тенденциозно критикуван за снегот
Објавено во Рецензии
on 9 - 01 - 2017 Автор: Силвана Жежова[Рецензија: Жерновски го изненади снегот во јануари, улиците неисчистени (ФОТО)]
Во текстот што го рецензираме, градоначалникот на Општина Центар, Андреј Жерновски, неосновано се обвинува дека службите на Општината не ги чистат улиците во Центар. Станува збор за дезинформација, бидејќи речиси истовремено со објавувањето на овој текст, до медиумите стигна соопштение од Општината во кое се информира дека снегот во Центар се чисти со четири возила и на улиците се фрлени неколку тони сол. Исто така, градоначалникот Жерновски на својот профил на „Фејсбук“ остави контакт-телефон на раководител во Општината, за граѓаните да се обратат доколку на некоја од улиците не е интервенирано од службите.
Линк до оригиналниот напис: Жерновски го изненади снегот во јануари, улиците неисчистени (ФОТО)
Датум и време на објавување: 05.01.2017
Датум на рецензирање: 09.01.2017
Рецензент: Силвана Жежова
НЕДОСТИГА СТАВ ОД ОПШТИНА ЦЕНТАР
Текстот го критикува градоначалникот Жерновски дека снегот го „изненадил“ и во прилог има некоклу фотографии од нерасчистени улици со снег.
„Снегот го изенади градоначалникот на Општина Центар, Андреј Жерновски во јануари. Улиците во централната скопска општина останаа неисчистени по снежниот бран кој од утрово ја зафати државата“.
Според официјалното соопштение на Општината, пак, „екипи на општина Центар од раните утрински часови излегоа на терен и го чистат снегот по улиците и по тротоарите, кои се во надлежност на општината, нема застој на сообраќајот по улиците и граѓаните можат нормално да се движат“.
Во написот, исто така, се говори дека имало наводини реакции од револтирани жители на Општина Центар, но нема ниту една изјава, па напишаното изгледа неуверливо.
„Жителите на Центар коментираат дека службите на општината целосно потрфлија и додаваат дека ако снегот продолжи да паѓа со овој интензитет, набрзо улиците ќе бидат целосно непродни, а општината парализирана“.
Овој необјективен и коментаторски текст ја дава сликата само од еден агол. Во него нема изјава од засегната страна – градоначалникот Жерновски, а не е прикажано ниту соопштението од Општина Центар за актуелната состојба со снегот. Па, наместо да пренесе коректна и политички необременета информација, написот ја дезинформира јавноста уште со изборот на тенденциозниот наслов.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
политичка дискриминација,
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
поврзан со тагови