Занимливостите кои се дел од работата на новинарот не треба да се сметаат за девијација од веста
Објавено во Рецензии
on 28 - 12 - 2015 Автор: Fatlume Dervishi[Рецензија:„Од јајцата наменети за општината настрада и новинарот на Телеграф”]
Минатонеделните протести за високото ниво на загадување на воздухот во Тетово, беа проследени со големо внимание од медиумите. Секој медиум се обидуваше да пренесе свое видување на настанот за да привлече внимание. Некои од порталите го следеа и протестот, информирајќи ја јавноста директно од местото на настанот. Еден од нив извести и за инцидентот со нивниот новинар. Една таква вест е интересна, но, треба да се внимава да не го одвлече вниманието од самата вест.
Линк до оригиналниот напис: „Од јајцата наменети за општината настрада и новинарот на Телеграф”
Датум и време на публикација: 18.12.2015, 14:58
Датум на рецензија: 20.12.2015
Рецензент: Фатлуме Дервиши
Протестите обично заземаат голем медиумски простор, особено поради фактот дека станува збор за јавен интерес (или на одреден дел од јавноста), што всушност (јавниот интерес -н.з.), е и цел на новинарот. Инцидентите или демонтрациите што доаѓаат од страна на демонстрантите, обично се очекувани настани. Во овој случај, гаѓањето на зградата од Општина Тетово со јајца, во знак на протест, беше кулминација на овој настан. Медиумот што ние го анализираме известуваше коректно за настанот. Во една од вестите, медиумот известуваше и за инцидентот што му се случи на неговиот новинар.
„За време на протестот за чист воздух во Тетово од страна на демонстрантите пред Општина Тетово погоден е со јајца и новинарот на Телеграф, Елмедин Мемиши.“
Објавувањето на оваа вест, дека случајно бил удрен и нивниот новинар, треба да се смета за занимливост, како од медиумот така и од читателот. Ако не се следат известувањата во континуитет и се чита само оваа вест, ненамерно може да се добие претстава дека фокусот е кај новинарот, а не кај настанот, иако медиумот коректно го проследил протестот.
Недоразбирањето може да произлезе и од формулацијата на текстот или, поточно, од редот подолу:
„Исто така, освен новинарот на Телеграф, со јајца, камења и други предмети е погодена и зградата на Општина Тетово.“
Независно што веста очигледно беше една занимливост, известувањето треба да се врши без да настане недоразбирање.
Нападите врз новинарите „креваат врева“, бидејќи се сметаат за напади врз слободата на изразување, но во овој случај воопшто не било така. Дури и со фотографии е прикажан новинарот, за кој очигледно е дека не се смета себеси за загрозен и дека го поднел ова многу спортски. Инцидентот не бил намерен и не се случило ништо повеќе, така што ова за јавноста останува една информација што ја покажува природата на новинарската работа. Оваа информација можеше да се објави како занимливост, а не опишана со реченицата „Освен новинарот на Телеграф е погодена е зградата на Општина Тетово“.
(Од Сервисот за проверка на факти од медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
1 извор
еднострани
СЕОПФАТНОСТ
сеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
не аплиактивно
КОМЕНТИРАЊЕ
нема коментаторски елементи
ПЛАГИЈАТ
оригинално дело
КВАЛИТЕТ НА НАСЛОВОТ
информира
некреативен
несензационален
несоодветен
нејасен
ФОТОГРАФИЈА
има
соодветна
информира
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски неуреден
неповрзан со тагови