Вулгарно спинување во текст за излезноста за гласањето
Објавено во Рецензии
on 17 - 12 - 2016 Автор: Димитар Тануров
Текстот е коментаторски, говорот е навредлив, а изнесените податоци нецелосно се истражени за да се прикаже поинаква слика, што е спротивно на новинарските стандарди.
Линк до оригиналниот напис: Ќе го јаде некој немиен со се јајца, ги нема партиските војници и лебарките сабајлево…
Датум и време на објавување: 11.07. 2016
Датум на рецензирање: 17. 12. 2016
Рецензент: Димитар Тануров
Уште со насловот е најавено дека читателот може да очекува целосна непрофесионалност бидејќи е исполнет со навреди, вулгарности и со неиздржани тврдења. Ваквиот наслов е целосно неетички и е спротивен на сите нoвинaрски кодекси, каде било во светот, вклучувајќи го и етичкиот кодекс на новинарите во Македонија.
Професионалните стандарди се нарушени и во самиот текст. Без никаква поткрепа, уште во првиот пасус има јасно и директно наведување на некакви „факти“:
„Овие избори, имаме рекордно слаба излезност пред 10 часот, што значи нивните гласачи НЕ ИЗЛЕГУВААТ НА ГЛАСАЊЕ!!!“
Според својата содржина, написот би требало да претставува вест за излезноста на денот на гласањето. Сепак, во неа наместо факти имаме квазифакти, а потоа класично коментирање, полно со вулгарности.
Во случаи кога се изнесува тврдење дека „на овие избори до 10 часот има мала излезност“, истите може да се споредуваат со податоците од претходните избори. Но, треба да се имаат предвид сите аспекти, вклучувајќи го и датумот на гласање, кој е зимски месец. Дури и така, бројките што се даваат за споредба, особено втората, не укажуваат на „рекордно“ слаба излезеност.
Патем, вообичаено, пореална оценка за излезноста на изборите се дава во попладневните и во вечерните часови, имајќи предвид дека според досегашната изборна историја, гласачите во Македонија најчесто излегуваат на гласање во вториот период од денот. Тука презентирањето на податоците во раните утрински часови е направено за да се даде една поинаква слика, особено зашто не може да се знае кој за кого гласал за да се тврди дека е јасно дека некоја политичка партија ќе изгуби, што на крајот и се покажа како факт.
Во однос на јазикот, написот е одраз во најмала рака на отсуство на домашно воспитување. Ваквите вулгарности не доликуваат ниту на објава на блог или на статус на социјалните мрежи, а не пак веб-страница што претендира да биде информативен медиум.
Кодексот на новинари наведува дека при објавување текст според професионални стандарди, мора да се внимава на точноста на податоците, да се прави разлика меѓу вест и коментар, да се обезбеди професионална дистанца при информирање за политички настани, но и да се негува јазикот.
Сите овие членови и правила од Кодексот се прекршени во текст од само неколку редови.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
Може да поттикне
дискриминира
политичка дискриминација,
УРЕДЕН ЗА ВЕБ
читлив
не апликативно
има контекстуални линкови
стилски уреден
поврзан со тагови