Напис: „Вооружена група од 40 Косовци се наоѓа близу село Танушевци“

Медиумите што добиле огромни суми за време на владеењето на коалицијата ВМРО-ДУИ, ја користат опасноста која наводно доаѓа од Косовo, како образложение за скандалозната аболиција на македонскиот претседател, Ѓорге Иванов, за политичарите осомничени  за кривични дела.
Списанието „Република“ во своето последно издание пишува дека една од причините за аболицијата од страна на Иванов било постигнувањето на едно национално „помирување“ за Македонија полесно да се справи со заканите за сигурноста на државата, кои, според оваа списание, во последно време доаѓаат од мигрантите на јужната граница и од една „терористичка група од Косово“ на северната граница, пренесува „Лајм“.
„Во време кога од грчката територија имаше најмалку четири добро организирани обиди за влез на 1.000 мигранти на четири различни локации, главната закана повторно доаѓа од Косово, каде што со месеци се подготвуваат терористички операции чија цел е Македонија. Добро информирани извори, за „Република“ тврдат дека додека миграните ги занимаваат и ги деконцентрираат безбедносните сили на југ, една група од околу 40 терористи се обидела да влезе на територијата на Македонија со еден камион полн со оружје. Оваа информација доспеала и до тајните служби, кои презеле соодветни мерки на терен и поради тоа на небото над главниот град постојано надлетуваа хеликоптери.
Македонските безбедносни служби веќе ги информирале своите колеги од земјите сојузнички на ЕУ и на НАТО дека земјата се соочува со директна закана од луѓе блиски со водачите на кумановската група. Оваа група предводена од братот на Сами Укшини (Командант Соколи), и близок со Даут Харадинај, планирала напади врз судовите, киднапирање на полицајци кои подоцна би ги размениле со уапсените во Куманово и за урбан тероризам“, пишува „Република“.

Според информациите на оваа списание, еден од временските термини кои групата ги имала предвид за извршување напади во Македонија, божем, бил 30 март, за време на судењето на пртворените од Куманово.
„Според анализите на службите за безбедност, овој напад е спречен од македонските оперативци, но групата која сега е стационирана во едно косовско село, блузу до границата со Македонија, во регионот на Танушевци, сè уште претставува опасност. Групата која успеала во Македонија да внесе оружје и муниција, имала цел да го искористи политичкиот раздор кој владее на македонската политичка сцена, кој влијае и  врз Министерството за внатрешни работи и да предизвика терористички акти, за долгорочна дестабилизација на Македонија, додава „Република“.

Шефот на државата својата одлука за аболиција ја донесе во исклучително комплицирани безбедносни услови, во кои јужната и северната граница беа цел на напади од различни групи, додека, во исто време, бугарската и грчката војска, сигурно без некоја меѓусебна координација, се собираат на границите кон Македонија и извршуваат воени вежби и надлетувања во граничната зона, се вели во продолжение на текстот.
При носење на оваа одлука, сигурно ги имал предвид и заканите за безбедносната ситуација, кои се уште посериозни кога земјата се наоѓа пред внатрешен судир и поради оваа причина се обидел преку национално помирување да ја зајакне способноста за одбрана од заканите по безбедноста. По секоја логика, јасно е дека кога и во Министерството за внатрешни работи постои двојна структура, кој било однадвор многу полесно може да ја оствари својата цел. Пред да ја донесе својата одлука за аболиција, Иванов сигурно ги анализирал добро сите ризици.“

Инаку, ова не е првпат оваа година македонските медиуми да шпекулираат со информацијата за божем наоружани Косовци од Косово на границата со Македонија. Но, овие информации се демантирани и од жителите во граничната зона и од оние кои се спомнати како водачи на групата, пишува „Лајм“.

[Рецензија: „Вооружена група од 40 Косовци се наоѓа близу село Танушевци“]

Иако ставен под наводници, овој наслов е доста алармантен и има тенденција да поттикне страв. Тоа што се кажува во насловот се објаснува детално подоцна, но неговата ударна моќ првин остава простор да се помисли поинаку.

Линк до оригиналниот напис: „Вооружена група од 40 косовци се наоѓа близу село Танушевци”]

Датум и време на објавување: 25.04.2016

Датум на рецензирање: 28.04.2016

Рецензент: Фатлуме Дервиши

Претпоставките се дел од овој напис, кој се концентрира само на индивидуални процени, коментари од видот „скандалозно“, „шпекулации“, „наводно“ и др. Најголемиот дел од текстот е превод на напис од еден медиум на македонски јазик „Република” и информациите што ги дал тој. Со тенденција да се отфрлат претензиите на „Република“, „Лајмпрес“ сами го направиле тоа што требало да го направат други релевантни извори, експерти или познавачи на проблемот.

„Медиумите што придобиле огромни суми за време на владеењето на коалицијата ВМРО-ДУИ, ја користат опасноста која наводно доаѓа од Косовo, како образложение за скандалозната аболиција на македонскиот претседател, Ѓорге Иванов, за политичарите осомничените  за кривични дела.“

Во текстот нема ниту еден показател дека е направен некој обид од страна на авторот за да се потврди прашањето, не кажува дали контактирал со некого за да земе повеќе информации, ниту, пак, кажува дали барем се обидел да дознае повеќе од МВР за кое, во делот преведен, односно толкуван од веста на „Република“, се вели дека сега засега успеало да го избегне конфликтот.

„Македонските безбедносни служби веќе ги информирале своите колеги од земјите сојузнички на ЕУ и на НАТО дека земјата се соочува со директна закана од луѓе блиски со водачите на кумановската група. Оваа група предводена од братот на Сами Укшини (Командант Соколи) и близок со Даут Харадинај, планирала напади врз судовите, киднапирање на полицајци кои подоцна би ги размениле со уапсените во Куманово и за урбан тероризам“, пишува „Република“.

Етичкиот кодекс на новинарите на Македонија во овој поглед е многу јасен. Новинарот не смее да објави непотврдени информации или доколку го прави спротивното, ова треба да биде јасно нагласено.

Доколку информацијата не може да се потврди или станува збор за претпоставка, односно шпекулација, ова треба да се каже и да се објави. Точноста на информацијата треба да се докаже колку што е можно повеќе.