ВМРО-ДПМНЕ може да се шегува, СДСМ не може…
Објавено во Рецензии
on 14 - 09 - 2016 Автор: Ана Анастасовска
[ПЕТРЕ ШИЛЕГОВ ИМАЛ ПОТРЕС НА МОЗОК: Додуша, имал потрес ама не на мозокот, бидејќи главната состојка недостига!]
Текстот кој е предмет на оваа рецензија од мравка прави слон. Имено, написот е тенденциозен и без никакви основи си дозволува да атакува личности од опозицијата, претставувајќи ги како некакви монструми.
Линк до оригиналниот напис: ПЕТРЕ ШИЛЕГОВ ИМАЛ ПОТРЕС НА МОЗОК: Додуша, имал потрес ама не на мозокот, бидејќи главната состојка недостига!
Датум и време на објавување: 11.09.2016
Датум на рецензирање: 14.09.2016
Рецензент: Ана Анастасовска
НАВРЕДИ УШТЕ ВО НАСЛОВОТ
Самиот наслов на написот содржи навредливи зборови за портпаролот на СДСМ, Петре Шилегов. Ваквиот наслов воопшто не е креативен, но е сензационален и во голема мера тенденциозен, односно има цел да го навреди Шилегов дека бил без мозок.
„Додека граѓаните исплашени и вознемирени ги напуштаат своите домови поради силните земјотреси кои денеска го тресат Скопје, СДСМ во свој стил се потсмева со целата ситуација“.
На почетокот од текстот веќе се открива спинот и насоката во која оди манипулацијата со читателите и обидот да им се исперат мозоците. Додека траела паника и страв кај граѓаните од земјотресите, функционери од СДСМ се смееле, односно биле бездушни и фаќале сеир. И сето тоа е изведено како заклучок од неколку статуси на социјалната мрежа „Фејсбук“.
ХУМОРОТ – ОРУЖЈЕ ПРОТИВ ДРЖАВАТА?
Значи, ако некој се пошегува во врска со нешто, во ситуацијава со земјотресот, веднаш тој се етикетира како непријател на македонскиот народ. Каква глупост!
Социјалните мрежи „Фејсбук“ и „Твитер“ во неделата беа полни со шеговити написи во врска со земјотресот, но тоа не значи дека некој посакува некому да му се случи нешто лошо. И на денот по поплавите што се случија во Скопје на 6 август социјалните мрежи беа полни со секакви статуси. Тогаш функционери на ВМРО-ДПМНЕ се шегуваа дека по дождот Коце Трајановски ќе пуштел и снег.
Овој напис е спротивен на сите новинарски стандарди. Тој е политички мотивиран и тенденциозен. Има цел да манипулира со читателите и да ги убедува во нешто што нема никаква основа.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални, неофицијални
релевантни
повеќе извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
не апликативно