Вест или коментар?!
Објавено во Рецензии
on 14 - 06 - 2016 Автор: Adrian Kerimi
Напис: Новите министри на ДУИ „трпат“ навреди поради пензионираните министри
Новите министри на ДУИ станале цел на албанските граѓани при многу манифестации. Тие ги „трпат“ критиките поради старите министри, кои се сомничат за многу грди дела на штета на албанската кауза во Македонија.
Претходниот ден, „свежите“ министри на ДУИ беа остро нападнати на годишнината на битката кај Матејче, во општина Липково, известува агенцијата за вести ИНА.
Држејќи монолог, жителот на Куманово Адем Адеми остро ги нападна нарекувајќи ги сироти, предавници на националните идеали, слуги на Груевски, неранимајковци и многу други навреди, што ги заслужуваат пензионираните министри на албанската партија на власт.
Неодамна, и почитуваниот оџа Реџаил Азири ги посрамоти министрите на ДУИ. Потсетувајќи ги на улиците низ кумановските села, кои се во катастрофална состојба, предизвика функционерите на ДУИ да се засрамат и да си заминат со наведнати глави.
[Рецензија: Новите министри на ДУИ „трпат“ навреди поради пензионираните министри]
Новинарот треба да се реши за кое прашање сака да известува. Доколку станува збор за некој неуспех поради што страда некој друг, за ова треба да се објават факти и докази, а не да се пишува текст во кој повеќе има алудирање отколку информирање. Зад веста што ја рецензираме се забележува тенденција, бидејќи во содржината на секој начин има обид да се потценуваат и да се навредат споменатите.
Eтички кодекс точка 7/3: Правото на јавноста за да се информира не треба да биде изговор за потребата за сензација.
„Новите министри на ДУИ станале цел на албанските граѓани при многу манифестации. Тие ги „трпат“ критиките поради старите министри, кои се сомничат за многу грди дела во штета на албанската кауза во Македонија.
Претходниот ден, „свежите“ министри на ДУИ беа остро нападнати на годишнината на битката кај Матејче, во општина Липково, известува агенцијата за вести ИНА“.
Линк до оригиналниот напис: „Новите министри на ДУИ „трпат“ навреди поради пензионираните министри“
Датум и време на објавување: 08.06.2016
Датум на рецензирање: 08.06.2016
Рецензент: Адриан Керими
Секогаш треба да се прави разлика меѓу фактите и личните мислења. Новинарот е обврзан да информира правилно и непристрасно, не вклучувајќи елементи на коментар во неговото дело. Погоре наведениот пасус не може да се разбере дали е цитат или коментар. Поради ова, секогаш треба да се знае што е цитат, а што е парафразирање во текстот. Во двата подолни случаи, се обидува да се потврди тезата дека новите министри на ДУИ страдаат од тоа што го направиле старите кадри, но „доказите“ обезбедени во текстот не се релевантни, пред сè бидејќи немаме цитати или изјави поврзани со линкови.
„Држејќи монолог, жителот на Куманово Адем Адеми остро ги нападна нарекувајќи ги сироти, предавници на националните идеали, слуги на Груевски, неранимајковци и многу други навреди, што ги заслужуваат пензионираните министри на албанската партија на власт. Неодамна, и почитуваниот оџа Реџаил Азири ги посрамоти министрите на ДУИ. Потсетувајќи ги нив на улиците низ кумановските села кои се во катастрофална состојба, предизвика функционерите на ДУИ да се засрамат и да си заминат со наведнати глави“.
Eтички кодекс, точка 1/5: „Новинарот треба да ја обезбеди „втората страна“, односно да им даде можност на двете засегнати страни на новинарскиот производ да го изразат својот став. Ова уште повеќе доаѓа до израз кога новинарот покренува сомнежи или обвиненија или кога некој е предмет на напад или критика“.
Веста, всушност, би била за тоа што оставиле зад себе ексминистрите на ДУИ, од што сега страдаат новите министри. За ова е потребно едно постудиозно истражување, што би ги идентификувало сите работи оставени на пола од ексминистрите на ДУИ и нивните неуспеси и би требало да се бара став од новите министри, за тоа дали ќе ги подобрат недостатоците оставени од нивните политички претходници. Меѓутоа, напротив, начинот на кој (неидентификуваниот) автор ја кроел „веста“ е тенденциозен, незаснована на факти и со едностран пристап.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
Не се исклучува можноста
Не се исклучува можноста
наклонетост
политичка пристрасност, комерцијална пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
не информира
некреативен
несензационален
тенденциозен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови