Уште едно новинарско фијаско
Објавено во Рецензии
on 15 - 12 - 2016 Автор: Ferikan Iljazi
Напис: ДУИ претрпе фијаско во Кондово
Демократската унија за интеграција денеска имаше средба со жителите на Кондово. Иако претходно кадрите на ДУИ во општина Сарај се погрижија да ги ослободат порано децата од училишта за да се наполни салата каде што се одржуваше средбата на ДУИ и иако луѓето беа поканети од куќа до куќа, функционерите на партијата на Ахмети претрпеа вистинско фијаско.
Беа пречекани од едвај осум лица. ДУИ го доби најдобриот одговор дека не е посакувана во Кондово, дека жителите на Кондово ја осудуваат криминалноста и аморалноста на ДУИ. Кондово ѝ го даде денеска одговорот на ДУИ за тоа што следува на 11 декември. Кондово не ги трпи предавниците на Албанците.
[Рецензија: ДУИ претрпе фијаско во Кондово]
Практиката на пишување на празно не е непозната за интернет-новинарството на албански јазик во Македонија. Честопати, иако вестите не даваат никаква корисна информација или немаат ниту една основа на вистинитост, се пишува нешто колку да не биде празна рубриката.
Линк до оригиналниот напис: ДУИ претрпе фијаско во Кондово
Датум и време на објавување: 29.12.2016
Датум на рецензирање: 02.12.2016
Рецензент: Ферикан Илјази Арифи
Пример за ваков напис без ниедна основа за тоа што му се најавува на читателот е и овој текст што го рецензираме. Во него се зборува за неуспешен собир на една партија, а нема ниедна фотографија или видеозапис што би служеле како основа за ова тврдење. Единствено нешто што се гледа е една фотографија од ДУИ поставена со знакот „икс“ што нема никаква релевантност за темата.
„Демократската унија за интеграција денеска имаше средба со жителите на Кондово. Иако претходно кадрите на ДУИ во општина Сарај се погрижија да ги ослободат порано децата од училишта за да се наполни салата каде што се одржуваше средбата на ДУИ и иако луѓето беа поканети од куќа до куќа, функционерите на партијата на Ахмети претрпеа вистинско фијаско“.
Каде го гледа тоа фијаско? Каде се гледа Сарај? Каде се гледаат децата? Како што спомнавме на почеток, зборови на празно.
Не само што е оставено на фантазијата тоа што се случило или не се случило во Кондово, туку новинарот отишол и многу подалеку, давајќи коментари за што биле револтирани жителите на Кондово, за кои се вели дека му го свртеле грбот на Али Ахмети.
„Беа пречекани од едвај осум лица. ДУИ го доби најдобриот одговор дека не е посакувана во Кондово, дека жителите на Кондово ја осудуваат криминалноста и аморалноста на ДУИ. Кондово ѝ го даде денеска одговорот на ДУИ за тоа што следува на 11 декември. Кондово не ги трпи предавниците на Албанците“.
Написот, и таков како што е, би изгледал многу подобро доколку имаше барем некоја фотографија од озборуваниот митинг, иако честопати и фотографиите може да се манипулираат. Или, да има видеоснимка од некоја изјава од жителите на Кондово, каде тие самите би кажале дали е или не е добредојдена оваа партија.
Ова е најмалку што може да направат новинарите. Да покажат вистинитост, непристрасност, сеопфатност во веста, а не да остават толку многу простор за манипулации, што и малите деца да можат да разберат дека станува збор за пропаганда, а не за информација.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор, ненаведен извор
КВАЛИТЕТ НА НАСЛОВОТ
некреативен
сензационален
соодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
политичка дискриминација,
УРЕДЕН ЗА ВЕБ
нечитлив
неквалитетни мултимедијални елементи
нема контекстуални линкови
стилски неуреден
неповрзан со тагови