verifikimiifakteve.mksitemap
verifikimiifakteve.mksitemap

Удри по Јанева и со виски!

on 17 - 10 - 2016       

kurir

[Рецензија: ПРОДОЛЖЕН МАНДАТ ЗА ВИСКИ: По неуспешната средба со Хан, Јанева и тимот на чаша виски во елитен ресторан]

 

Пред нас имаме тенденциозен и навредливо интониран напис, насочен кон дискредитација на специјалната јавна обвинителка Катица Јанева и на нејзиниот тим. Прво, текстот не нуди објаснување зошто средбата на Јанева со еврокомесарот Јоханес Хан се оценува како неуспешна, и второ, зошто како единствена причина да ѝ се продолжи мандатот на Јанева се споменува вискито?!

prodolzhen-mandat-za-viski_-po-neuspesh_-http___kurir-mk_makedonija_vesti_pЛинк до оригиналниот наслов: ПРОДОЛЖЕН МАНДАТ ЗА ВИСКИ: По неуспешната средба со Хан, Јанева и тимот на чаша виски во елитен ресторан

Датум и време на објавување: 14.10.2016

Датум на рецензија: 16.10.2016

Рецензент: Силвана Жежова

 

„СДСМОВСКА ТРАДИЦИЈА“?!

Текстот уште во насловот ги оцрнува Јанева и нејзините колеги во СЈО, за потоа во содржинскиот дел да им припише однесување кое, наводно, го имале социјалдемократите.

„И како што налага СДСМ-овската традицја, по секоја неуспешна рунда преговори, плачење и молење крајот секогаш треба да се „залие“ со чаша квалитетно виски, на елитна локација по можност на периферијата на Скопје или покрај Вардар на свеж воздух“.

Прашањето е: зошто одредена „сдсмовска традиција“, за која патем и нема докази, се поврзува со однесувањето на тимот на Јанева фатен во голем „ грев“ – една неформална средба во некоја кафеана? Секој функционер, политичар има право на приватен живот и времето поминато надвор од работното време не е од интерес на јавноста. Во конкретниот случај, фотографијата што Јанева ја објави на својот профил на „Фејсбук“ е злоупотребена за дискредитација на работата на Специјалното јавно обвинителство.

 

ШПЕКУЛАЦИИ

Понатаму текстот продолжува со шпекулации и со дезинформации за средбата меѓу Хан и Јанева.

„Денешната посета на евро-комесарот Јоханес Хан, која од страна на Јанева беше искористена за молење комесарот да изврши поголем притисок врз лидерите на партиите во Македонија со цел продолжување на нејзиниот мандат не вроди со плод, откако Али Ахмети јасно му предочи на Хан дека за таква операција нема време, и дека за да се оствари нешто такво ќе треба нови преговори“.

Во него никаде не стои дека по средбата Јанева изјави дека разговарале за проблемите со кои се соочувале во минатото и како ќе функционираат во иднина. Во однос на работата на СЈО, Хан даде изјава во која истакна дека добил уверување од сите политички партии дека ќе ја поддржат работата на ова институција и дека секој судски систем треба да работи независно без да се злоупотребува.

Финишот на објавата е во истиот стил – „натопен во виски“:

„Поразени од последните вести, Катица Јанева заедно со Фатиме Фетаи и останатите обвинители решија последните денови од кариерата како специјални обвинители да ги „залијат“ со виски, на луксузна локација во близина на реката Вардар.Останува прашањето сепак, Фатиме пиеше виски или коњак“.

Сепак, не може да се тврди  дека ова се „последни денови од кариерата како специјални обвинители.“  Откако владејачкото мнозинство на пленарна седница гласаше против, пратеникот Павле Трајанов на 5 октомври до Собранието ги поднесе предлог-измените на Законот за Специјално јавно обвинителство (за продолжување на рокот за истраги) и на Законот за заштита на сведоци за разгледување во редовна постапка. Собранието сè уште не е распуштено (16.10.2016) и рано е да се даваат категорички тврдења за тоа како ќе заврши кариерата на специјалните обвинители.

Текстот го свртува вниманието на јавноста од суштинските теми за работата на СЈО, а третира прашања кои се сосема неважни за граѓаните – во кои ресторани одат и што пијат специјалните обвинители.

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

делумно

не може да се утврди точноста на наводите

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

има евидентирани извори

неофицијални

1 извор

еднострани

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

не може да се утврди

извртување на вистина (спин)

не може да се утврди

наклонетост

политичка пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

целосна копија

наведен извор без линк

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

има

соодветна

манипулира

ненаведен автор(извор)

infoVistinitostГОВОР НА ОМРАЗА

навредлив говор

нема говор на омраза

не потикнува на насилство

не дискриминира

политичка дискриминација,

infoVistinitostУРЕДЕН ЗА ВЕБ

читлив

нема мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести