Тензија „инспирирана“ од шпекулации
Објавено во Рецензии
on 25 - 01 - 2016 Автор: Симона Атанасова
[Рецензија: Тензична атмосфера на Централниот Одбор на СДСМ]
Написот е манипулативен, едностран и сeнзационалистички. Освен низа шпекулации, во текстот нема ниту една конкретна потврда дека атмосферата на централниот одбор на СДСМ навистина била тензична и дека се употребувале свирежи, скандирања и пцости кон дел од членовите.
Линк до оригиналниот напис: Тензична атмосфера на Централниот Одбор на СДСМ
Датум и време на објавување: 21.01.2016, 15:19
Датум на рецензирање: 23.01.2016
Рецензент: Симона Атанасова
А ИЗЈАВА ОД СДСМ?
Написот којшто, инаку, е целосно преземен од друг медиум ( тоа е наведено и ставен е линкот), служи за да се оцрни одлуката на централниот одбор на СДСМ, партијата да не учествува на предвремените парламентарни избори доколку не се исполнат услови за фер и демократски избори.
Во текстот нема изјава од ниту еден од 113 членови на централниот одбор на партијата, кој ќе ја потврди информацијата дека ситуацијата навистина била тензична и драматична како што се наведува во материјалот што го рецензираме.
Написот е „пократок“ и за изјавата на лидерот на СДСМ, Зоран Заев, дадена веднаш по завршувањето на централниот одбор, во којашто тој вели дека ЦО на СДСМ дал едногласна поддршка на одлуката на раководството.
„Социјалдемократскиот сојуз вечерва имаше плодна дебата и донесе едногласна одлука. СДСМ нема да учествува на изборите на 24-ти април. Заклучоците кои што ги донесовме на Централниот одбор после дебатата се следните: Фер, регуларнии и демократски избори се императив, а не датумот на изборите. На Македонија не и требаат уште едни нерегуларни избори. Затоа менувањето на датумот на изборите не е желба на опозицијата, туку потреба за целосна имплементација на договорот од Пржино“, рече Заев по завршувањето на Централниот одбор.“
Еден релевантен текст, секако, треба да ја има оваа изјава на Заев, како официјална информација за тоа што се случувало на состанокот на централното партиско тело.
Во овој напис се наведува дека членовите на централниот одбор, од таканареченото скопско крило, кои не размислувале како Заев, кога ги искажувале сопствените аргументи наидувале на свирежи, скандирања и на пцости.
Освен оваа шпекулација дадена од анонимен извори, текстот не е поткрепен со ниту едена доказ дека атмосферата навистина била под нивото на политичката култура. Никаде во него нема изјава од членовите на „скопското крило“, ниту стои дека тие биле побарани за став. Без нивните изјави, написот нема издржана аргументација дека тоа што го наведува навистина се случило.
Текстот, напишан на основа на „рекла-кажала“, служи да ги наведе читателите да мислат дека има раскол во СДСМ, дека одлуките што ги носи раководство не се поддржани од членовите на партијата, а со тоа се алудира и дека споменатата одлука нема поддршка ни кај граѓаните.
Еден новинарски продукт не смее да се потпира само на шпекулации, а истовремено да ги затскрива официјалните изјави за да ја извртува реалноста и да креира манипулативна слика во јавноста.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
наведен извор со линк
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
квалитетни мултимедијални елементи
има контекстуални линкови
стилски уреден
поврзан со тагови