Текст со исфилувани и непроверени шпекулации
Објавено во Рецензии
on 18 - 04 - 2016 Автор: Димитар Тануров
[Рецензија: Иванов ноќва сепак ги примил амбасадорите Белји и Алтхаузер]
Текстот е шпекулативен, се затскрива зад фразата „дознаваме од дипломатски извори“. Во ниту еден дел од написот не се посочува друг извор кој би ги потврдил изнесените наводи, а ниту, пак, подоцна е објавен демантот (од германската амбасада) дека таква средба воопшто не се одржала.
Линк до оригиналниот напис: Иванов ноќва сепак ги примил амбасадорите Белји и Алтхаузер
Датум и време на објавување: 13.04.16, 01:09
Датум на рецензирање: 16.04.16
Рецензент: Димитар Тануров
ДЕЗИНФОРМАЦИЈА
„Вчерва еден час пред полноќ претседателот Ѓорге Иванов сепак во резиденцијата на Водно ги примил амбасадорот на САД, Џес Бејли и на Германија, Кристине Алтхаузер, дознава Либертас од дипломатски извори. Средбата е на инсистирање на амбасадорите шокирани од одлуката Иванов да направи општа амнестија.“
Текстот се темели на шпекулативни непотврдени информации, кои се „обландирани“, како наводно да се добиени по дипломатски канали. Во написот се наведува познатата информација дека амбасадорите барале средба со претседателот Иванов и тука нема ништо спорно, имајќи предвид дека амбасадорите јавно по неговата одлука побараа објаснување и средба.
Сепак, и покрај барањата за средба, Иванов дури по два дена од објавувањето на одлуката ги прими амбасадорите, а не како што се наведува во оваа објава. Првата средба со амбасадорите се одржа на 14 април, а на неа присуствуваа амбасадорот на САД, Џес Бејли, и евроамбасадорот Аиво Орав. Детали од средбата не се открија. Германската амбасадорка Кристине Алтхаузер воопшто немала средба со претседателот Иванов, а од германската амбасада нè информираа дека испратиле и демант, но оти не им бил објавен.
Во написот, исто така, се пренесуваат детали од наводната средба и со користење на епитетите „студена“, „полемична“, „кавгаџиски“ се создава чувство на реалност.
Другиот дел од текстот, во кој се откриваат фрагменти од разговорите, всушност, преставуваат делови од претходно дадените изјави на дипломатите и на меѓународната заедница за одлуката на Иванов.
Текстот се коси со Кодексот на новинари, во кој се наведува дека обврска на новинарите е да ја почитуваат вистината, а при пренесувањето на информациите да бидат чесни, објективни и точни.
Членот 1 од Кодексот вели дека секоја информација треба да се провери колку што е можно повеќе, а доколку не може тогаш да се наведе дека станува збор за шпекулација.
Во Член 3 од Кодексот, пак, е наведено дека новинарот треба да се објави демант во случај кога ќе биде утврдена неточност на информацијата.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
прикажува невистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
несензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
делумно стилски уреден
неповрзан со тагови