Текст полн со навреди и со говор на омраза
Објавено во Рецензии
on 7 - 10 - 2015 Автор: Ана Анастасовска
[Рецензија: ШИЛЕЖЕ НЕРВОЗА, А?! Шилегов покажа и докажа дека е тешка “сељачина”, но и дека е нервозен и исплашен!]
Ова на сè личи освен на новинарски текст. Написот, освен навреди и дисквалификации, не содржи ништо друго.
Линкуван наслов на анализираниот напис: ШИЛЕЖЕ НЕРВОЗА, А?! Шилегов покажа и докажа дека е тешка “сељачина”, но и дека е нервозен и исплашен!
Датум и време на објавување: 30.09.2015
Датум на рецензирање: 06.10.2015
Рецензент: Ана Анастасовска
„ШИЛЕЖЕ НЕРВОЗА, А?! Шилегов покажа и докажа дека е тешка “сељачина”, но и дека е нервозен и исплашен!“
Што да се каже за текст кој почнува со ваков наслов! Уште од почеток на читателот му станува јасно дека авторот на овој напис има цел да го навреди и да го омаловажи портпаролот и пратеник на СДСМ, Петре Шилегов, а не да пренесе вест од собраниска седница.
„Пратеникот на ВМРО-ДПМНЕ од Струмица Васил Пишев денес на говорницата во Собранието на Р.Македонија, изнесе неколку десетици факти и документи за милинскиот грабеж на општина Струмица од страна на Заев и неговото семејство, вклучително братот Вицето, снашката, братучедот, пријателите, татко му и кој ли уште не.“
Пратеникот Пишев изнел факти и документи?! Од каде му на авторот право да тврди дека тоа се факти и релевантни документи? Дали тие факти и документи за наводен грабеж на општина Струмица од страна на Заев се приложени до некој суд и дали евентуално постои потврдна судска одлука во врска со наводниот грабеж? Ако одговорот на овие прашања е „да“, тогаш може да се тврди дека станува збор за факти. Ако постои судска одлука, тоа треба да се објави, па потоа да се тврди дека станува збор за релевантни докази.
Во спротивно, тоа е манипулација. Имено, секој има право да приложи некакви документи, но точноста на изнесеното во нив се знае како се потврдува. За тоа постои судски систем во државата. Пратениците не се судии. А, уште помалку новинарите треба да изигруваат судии.
„Овие документи створија нервоза и паника во редовите на соросписките Социјалдемократи, па така Шилегов во нервозата и паниката реши арогантно и “сељачки” да дели правда во Домот на Демократијата.“
Ова е класичен пример за текст полн со навреди, дискредитација и, најлошо од сè, говор на омраза. Со ова, авторот го прекршил членот 10 од Кодексот на новинари кој гласи:
Новинарот нема свесно да создава ниту преработува информации што ги загрозуваат човековите права или слободи, нема да говори со јазикот на омразата и нема да поттикнува на насилство и дискриминација по која било основа (национална, верска, расна, полова, социјална, јазична, сексуална ориентација, политичка…)
Што друго може да се каже освен дека е страшно тоа што во последно време некои веб-страници изобилуваат со вакви текстови кои шират говор на омраза и што истите се претставуваат како новинарски и на тој начин манипулираат со јавноста.
Говорот на омраза е кривично дело во Република Македонија. Од февруари 2014 година, во Република Македонија стапија на сила нови законски одредби од Кривичниот законик кои забрануваат и казнуваат говор на омраза и ширење материјали преку интернет кои промовираат или поттикнуваат омраза, дискриминација или насилство, против кое било лице или група, врз која било дискриминаторска основа.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
сензационален
соодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
навредлив говор
говор на омраза
не потикнува на насилство
не дискриминира
УРЕДЕН ЗА ВЕБ
неквалитетни мултимедијални елементи
нема контекстуални линкови
делумно стилски уреден
неповрзан со тагови