Текст кој погрешно го информира читателот
Објавено во Рецензии
on 30 - 12 - 2016 Автор: Ана Анастасовска[Рецензија: Македонец ќе оди во затвор оти го навредил Ердоган на Фејсбук!?]
Текстот што го рецензираме во целина е добро напишан, но она што му е недостаток е погрешната информација што ја дава во последната реченица. Написот најверојатно е преземен и притоа можеби е направена ненамерна грешка.
Линк до оригиналниот напис: Македонец ќе оди во затвор оти го навредил Ердоган на Фејсбук!?
Датум и време на објавување: 28.12.2016
Датум на рецензирање: 30.12.2016
Рецензент: Ана Анастасовска
НЕТОЧНА ИНФОРМАЦИЈА
Текстот информира за барањето на турската амбасада во Скопје, македонското јавно обвинителство да отвори предмет против државјанин на Македонија, кој воедно е и турски државјанин, затоа што на социјалните мрежи пишувал недолични работи со кои ја навредил Република Турција и нејзиниот претседател Реџеп Таип Ердоган.
„Турската амбасада во Македонија бара основното обвинителство во земјава да поднесе кривична пријава против лицето Е. А. поради искажани навреди против турскиот претседател Реџеп Таип Ердоган“.
Написот, пренесувајќи го соопштението на турската амбасада, ја цитира агенцијата „Анадолија“.
„Уверени сме дека лицето ќе ја добие заслужената казна. Оваа тужба е поднесена до вас со цел да ги предупредиме оние непромислени кои отсега натаму би направиле нешто слично – се вели во соопштението на амбасадата, а пренесува Анадолија“.
Она што боде в очи во овој текст е информацијата во последната реченица.
„Осомничениот македонски државјанин напишал дека никогаш не би го послужил Ердоган со чај“.
Ова е погрешна информација. Доколку се погледне оригиналната вест на агенцијата „Анадолија“, ќе се види дека во неа никаде не се спомнува такво нешто. Никаде не е наведено што пишувал осомничениот на социјалните мрежи и на кој начин го навредил турскиот претседател.
Написот најверојатно е преземен од „Утрински весник“, каде се спомнува случај во Турција во кој неодамна бил уапсен угостител кој изјавил дека доколку Ердоган дојде во неговиот локал, не би го послужил со чај.
„Оваа информација што денеска ја пренесе турската агенција Анадолија се совпадна со веста дека угостител во Турција бил уапсен, бидејќи изјавил дека ако дојде Ердоган нема да го послужи со чај, случај што го пренесе цел свет како куриозитетна вест“.
Според тоа, може да се заклучи дека написот што го рецензираме содржи погрешна информација која можеби е и ненамерна грешка. Проблемот е и во тоа што не се посочени линкови до оригиналната вест, за да може читателот сам да ја увиди грешката.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
делумно
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
сеопфатнo
нема прикриени информации
ПРИСТРАСНОСТ
делумно прикажува вистина
нема извртување на вистина (спин)
лажни информации
балансираност
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
делумна копија
ненаведен автор
КВАЛИТЕТ НА НАСЛОВОТ
информира
некреативен
сензационален
соодветен
јасен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
неповрзан со тагови