Текст без два основни стандарди може да биде само „жолт“
Објавено во Рецензии
on 6 - 10 - 2016 Автор: Владо Ѓорчев
Иако професионлниот стандард на наведување извор(и) во македонските медиуми е усвоен пред многу години, сè уште среќаваме написи без никакви извори на информации и такви во кои изворите не се именуваат или погрешно се лоцираат за да се заведе читателот. Но, исто така, сериозен проблем е и користењето на еден или истородни извори, без да се почитува етичката обврска да се сослуша и другата страна. Таков е и овој напис, кој е едностран, со многу прашалници, уште повеќе неаргуменитрани и непроверени тврдења и сето тоа без извори.
Линкуван наслов на оригиналниот напис: Министерот Цветков се изнервирал и забранил да му даваат кафе на заменикот Николовски, немал заслужено
Датум и време на објавување: 4.10.2016, 18:45
Датум на рецензирање: 06.10.2016
Рецензент: Владо Ѓорчев
Вистина е дека текстов има интересен наслов, ама е многу лошо и пристрасно сработен. Пристапот е крајно непрофесионален, со недвосмислена оцрнувачка нишка:
„На средбата на која биле присутни соработниците на Николовски, како и вработени во правната служба, Цветков почнал да вика, по што и упатил наредба на жената која донела кафиња за гостите, да не му дава кафе на Николовски, бидејќи, како што рекол, немал заслужено. Откако таа сепак му оставила кафе и на Николовски, Цветков го тргнал од пред него велејќи му дека тој нема ништо направено за земјоделците и нема да пие кафе во неговиот кабинет, дознава Либертас“.
Со доследна примена на принципот на наведување на изворите, новинарот ја „ѕида“ веродостојноста на фактите што ги соопштува и ја освојува довербата на читателот. Написите во кои овој принцип воопшто не се почитува, а се изнесуваат понекогаш и жестоки и обвинувачки тврдења, тешко може да се сметаат за веродостојни.
Прво што паѓа в очи кога се чита овој текст, е отсуство на доволно факти, отсуство на извори кои се користени (макар и приближно посочени), практично – отсуство на вест. Оти не е вест дека министерот и заменскиот министер не се во најдобри односи, исто како што, впрочем, тоа се случува во сите минисерства кои беа подложни на новите правила и на новиот Закон за влада.
Ако со текстот се имало намера да се дадат детали до каде може да оди ова несогласување, како куриозитет, и тоа би било прифатливо, но притоа морало да се води сметка за целосното потврдување на настанот со употреба на принципот на втората страна – како што е пропишано со членот 1 до Кодексот на новинари на Македонија и со лоцирање на изворите, како што налага членот 4 од истиот Кодекс.
Кога еден новинарски призвод ги употребува зборовите „дознава“ и ништо повеќе околу тоа, како и од кого дознава, веднаш се раѓа сомнеж во вистинитоста и во вердосотојноста на настанот и на фактите.
Вака напишан текст со сензационалистички наслов и безмалку никакво почитување на професионалните стандарди, упатува на можноста дека е направен токму така заради привлекување на број на читатели, но, не се исклучува ниту опцијата за дискредиитација на една личност, а преку нејзе и на политичка опција и прикажување на другата како жртва на која не ѝ даваат ниту кафе.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
неверодостојни наводи
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
не апликативно
има контекстуални линкови
стилски уреден
поврзан со тагови