Светиот „фотошоп“
Објавено во Рецензии
on 20 - 05 - 2015 Автор: Александар Пешев
[Рецензија: Чудна небесна светлина над македонското знаме во Делчево]
Знамето свети како неонка, ама никој не го забележува – бруки! Дозволено е сами да си донесете заклучоци за ваквиот феномен, но во случај да не сте сигурни, дозволете авторот да ви помогне: По сè изгледа Господ Бог е над Македонија и со Македонците. Кој знае, ако јарболот и знамето продолжат вака интензивно да светат, можеби Делчево ќе заштеди на сметки за електрична енергија.
Наслов на анализираниот напис: Чудна небесна светлина над македонското знаме во Делчево
Датум и време на објавување: 12-5-2015
Датум на рецензирање: 17-5-2015
Рецензент: Александар Пешев
Рационален читател би се прашал – ако навистина има толку интензивна светлина во опкружувањето на демонстрантите, тогаш зошто никој се нема свртено кон изворот на, како што се тврди, неверојатниот природен феномен? На приложената фотографија, насобраните или не забележале или веќе не им е интересно јарболи со знамиња да светат сред бел ден на сончево време. Но, морам да завршам со рецензијава, бидејќи за мене знаме да свети како неонка не е мала работа …
Авторот на написот остава на читателите да донесат свој личен заклучок за што станува збор. Хм… „фотошоп“? Или некоја поевтина програма за ретуширање фотографии? Единствениот феномен со кој сме соочени во ваквата објава е изолирано чудо. Поточно, имаме текст кој не се темели на факти. Доколку навистина се има појавено натприродна светлина, би се очекувало поплава на социјалните мрежи од фотографии од очевидци или учесници на маршот. Чудото изгледа останало во очите или на комјутерскиот екран на авторот на објавата. Може само да се шпекулира околу мотивите за ваков текст, кој не само што може да се класифицира како спин, туку класична дезинформација. Оттука, очигледен е обидот за глорификување на група демонстранти. Или тоа, или авторот си го има муабетот со горниот:
„По се изгледа Господ Бог е над Македонија и со Македонците“
Поентата на ваквата претпоставка? Етноцентризам? Национализам? Прикриена омраза или негодување кон припадници на другите етнички групи во Македонија? Во секој случај, имаме напис кој не смее да се нарече новинарска објава, а единственото чудо е што ова нашло простор во медиум. Тоа што текстот е ставен во занимливости, не помага за правдање на… наводната божественост.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
неверодостојни наводи
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
нема прикриени информации
ПРИСТРАСНОСТ
невистина
извртување на вистина (спин)
лажни информации
наклонетост
друга пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
ФОТОГРАФИЈА
има
соодветна
манипулира
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови