Свети Сава среќа „дава“!
Објавено во Рецензии
on 1 - 02 - 2016 Автор: Силвана Жежова
[Денеска е голем празник: Ако го направите ова ќе ве следи несреќа!]
Насловот на овој текст има интенција да го привлече вниманието на читателот за да се „информира“ што (не) треба да прави за да избегне несреќа на верски празник?! Од друга страна, тој воопшто и не кажува за кој празник станува збор. Содржинскиот дел на написот, пак, не дава одговори за некаква повразност на посочениот празник со личната (не)среќа на читателот.
Линк до оригиналниот наслов: Денеска е голем празник: Ако го направите ова ќе ве следи несреќа!
Датум и време на објавување: 27.1.2016
Датум на рецензија: 29.1.2016
Рецензент: Силвана Жежова
КАКВА „НЕСРЕЌА“ ОД НАПИС!
Во текстот нема никаква потврда за наводите дека ако на овој ден се прават одредени активности во домаќинството, истите ќе донесат несреќа.
„Кај народот постои верување дека денеска не смее да се носи ништо црвено. Исто така, денеска не треба да се острат ножеви или било кој друг ваков алат од домќинството, бидејќи тоа ќе донесе несреќа. Се верува и дека ако на овој ден грми, цела години ќе биде несреќна, бидејќи и онака грмежите се ретка појава во зима.“
Личната среќа е индивидуална и релативна состојба и нема докази дека постои некаква врска меѓу среќата и верските празници. Патем, празникот Свети Сава, кој во насловната конструкција е претставен како „голем“, многу повеќе се слави во Србија отколку кај нас.
Од друга страна, објаснувањата на православната црква за одредени обичаи и верувања за верските празници се дека тие произлегуваат од самиот народ, без никаква потврда и факти дека тоа е навистина така.
Според тоа, кога вакви преданија ќе се преточат во напис кој не нуди докази за она што го тврди, резултатот е медиумска објава која е далеку од вистината и од легитимна новинарска информација. Таа се сведува на сензационалистичка содржина за привлекување внимание и за собирање кликнувања. Во конкретниот случај, на публиката ѝ е понудена токму таква содржина.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неверодостојни наводи
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не аплиактивно
КОМЕНТИРАЊЕ
има коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
нејасен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови