Ставот на еден, не е став на сите
Објавено во Рецензии
on 22 - 12 - 2015 Автор: Ана Анастасовска[Рецензија: ВИДЕО: Студен пречек – заменик министерот на СДСМ со џипот побегна од земјоделците]
Ова е еден крајно тенденциозен и политички мотивиран текст. Написот е несеопфатен, има цел да го наведе читателот на погрешно толкување и да му создаде погрешна претстава за она што точно се случувало на средбата на заменик-министерот за земјоделство со земјоделците од Велес.
Линк до оригиналниот напис: ВИДЕО: Студен пречек – заменик министерот на СДСМ со џипот побегна од земјоделците
Датум и време на објавување: 16.12.2015
Датум на рецензирање: 21.12.2015
Рецензент: Ана Анастасовска
А КАДЕ Е ЏИПОТ?
„Дополнителниот заменик министер предизвика наиде на жесток прием кај земјоделците во Велес. Жолчни расправии ја одбележаа неговата средба со земјоделците на терен. Тие гневни прашуваа зошто СДСМ не гласаше за владината одлука за исплата на субвенциите и зошто се обиделе да го блокираат буџетот.“
Факт е дека заменик-министерот за земјоделство од редовите на СДСМ имал средба со земјоделци од Велес, а тоа може да се види и од приложената видеоснимка. Но, она што, исто така, може да се види од видеозаписот е дека жолчна расправија имало само со еден земјоделец, а не со сите. Додека тој еден земјоделец цело време му се уфрлува во збор на министерот и му поставува прашање надвор од темата за која говори, другите молчат. Според тоа, не може да стане збор за жестока расправија со земјоделци кои биле гневни, како што се наведува во написот. Ставот на еден не може да говори за ставот на сите.
„Тие жестоко возвратија по што Љупчо Николовски и Ленче Николовска со своите џипови ја напуштија средбата.“
А, каде е Ленче Николовска и каде се џиповите? Тоа на видеоснимката не се гледа, така што не може да се утврди со сигурност верододстојноста на ваквото тврдење. Од друга страна, овој селективен материјал не го пренесува делот од видеозаписот каде заменик-министерот говори за мерките што неговата партија ги предвидува во областа на земјоделството. Текстот што им е понуден на читателите, според тоа, е едностран и не ја прикажува реалната слика од настанот.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
издвоено од фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
несензационален
соодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
има контекстуални линкови
делумно стилски уреден
неповрзан со тагови