Стара вест со нов бомбастичен наслов
Објавено во Рецензии
on 15 - 02 - 2016 Автор: Димитар Тануров
[Рецензија: Ново и остро соопштение од ЕУ: Престанете со нападите врз Јанева]
Написот пренесува стари информации, а соопштението е целосно испревртено и со бомбастичен наслов се обидува да создаде претстава дека има нови реакции, кои не се ниту прецизно лоцирани.
Линк до оригиналниот напис: Ново и остро соопштение од ЕУ: Престанете со нападите врз Јанева
Датум и време на објавување: 09.02.2015, 17:17:18
Датум на рецензирање: 12.02.2015
Рецензент: Димитар Тануров
ПОДМТЕНАТО „БАЈАТО“ СООПШТЕНИЕ
„ЕУ ги повикува политичките партии да соработуваат со Специјалната јавна обвинителка, да прекинат со напади врз ова независно тело и да престанат со заплашувања врз јавни функционери чија што задача е да ги подготват изборите, се вели во соопштението на ЕУ.“
Текстот се темели на интерно соопштение кое датира од 4 февруари, објавено на 9 февруари. Со бомбастичниот наслов се добива впечаток дека станува збор за најнова реакција и тоа која е дадена дури и по средбата на евроамбасадор Аиво Орав и на другите ЕУ-амбасадори со специјалната јавна обвинителка Катица Јанева, на која дипломатскиот кор ѝ изрази целосна поддршка.
Во текстот не се лоцира ниту кој точно го издава соопштението, кое не само што не е линкувано, туку не е прикажано ни како принтскрин. Во материјалот што е пред нас не се пренесени нови реакции, туку се парафразирани изјавите на претставниците на ЕУ од Брисел, како и на амбасадорот Аиво Орав и на американскиот амбасадор Џес Бејли по средбата со техничкиот премиер Емил Димитриев.
Испуштањето на овие податоци создава впечаток дека намерно се изигрува читателот, имајќи предвид дека во самото соопштение јасно се посочува дека станува збор за делегација на ЕУ при постојаниот Совет на ОБСЕ, која со вакви соопштенија брифира за претходни активности на Унијата за одредена ситуација.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
сеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови