Споредување на неспоредливото
Објавено во Рецензии
on 1 - 02 - 2016 Автор: Љубомир Костовски[Рецензија: Катица со закана за медиумите – Зврлевски без ниту една закана или тужба]
Специјалната јавна обвинителка најави на прес-конференција дека ќе поднесе кривични пријави против сите медиуми што се закануваат на нејзините вработени или ги навредуваат (што може да се прочита и тука ). Во нејзината изјава е споменат еден портал и се наведува дека има „и други“. На реакции не мораше долго да се чека, при што, како што сме навикнати, тие со речиси целосно идентични наслови и содржини се појавија на многу места. Го рецензираме овој прилог кој е барем потпишан, односно зад кој стои автор со наведено име и презиме.
Индикативно е дека таа – одново да споменеме – хорска и идентична реакција на конференцијата за печат на специјалната обвинителка Јанева, се темели на една единствена основа: Зврлевски, „обичниот“ јавен обвинител, бил толерантен иако бил навредуван многупати од одредени весници и медиуми. Држи ли таквата споредба?
Линк до оригиналниот напис: Катица со закана за медиумите – Зврлевски без ниту една закана или тужба
Датум и време на објавување: 31. 01. 2016 – 17:22
Датум на рецензирање:31.01.2016
Рецензент: Љубомир Костовски
ОРКЕСТРИРАН НАПАД
„Зврлевски постојано е мета на напади и разни омаловажувања од опозицијата, но државниот јавен обвинител за разлика од Катица Јанева иако имал реална основа сепак ниту еднаш не се заканил со тужба, велат медиумите. Според нив обидот за дискредитирање на Зврлевски од страна на опозициските медиуми отиде и доттаму што измислиле дека поранешна ТВ водителка станала негов соработник. На ваквите лаги и измислици не изостанаа ниту разни фотомонтажи. Сепак, Зврлевски и за овој случај не излезе со никакви закани за медиумите.“
Ако го земеме само овој цитат од текстот, најпрвин забележуваме едно оградување – наводите за „ладнокрвниот“ Зврлевски ги констатирале „медиумите“. Ова не е неважна дребулија, бидејќи го релативизира авторството на соржината. Написот се повикува на други прилози, кон кои треба да даде линкови, а не само скриншотови, заради поголема уверливост, бидејќи не добиваме комоплетен увид во „доказниот материјал“. Во ваков тип „обвинителни“ тесктови, сознанијата мора да се комплетни, а не „преџвакани“. Тоа се постигнува со линк, освен ако текстовите не се вадени од постари архиви.
Ова е особено битно бидејќи во прилогот имаме цитати од написи кои се оценети како навредувачки против јавниот обвинител Зврлевски, за кои тој, наводно, требало да реагира со тужба. Ама, од погорниот цитат гледаме дека сите се тргаат настрана и никој не се прикажува како „селектор“ на истите, односно како автор на изборот! Може само да се претпостави дека, веројатно, е во прашање претпазливост од можна тужба од цитираните новинари, бидејќи имаме пример на наведување. Имено, иако на Зврлевски му се познати тие написи, тој не реагирал (некои се со постар датум), ама сега треба да се кае и веројатно да приреди „ретро-спектакл“?!
Понатаму, истиот тој Зврлевски е јавен функционер со доволно образование и искуство и со доволно сознанија за својата работа што објективно и непристрасно можел да процени дали треба да се јави со тужба кон некој новинар или не. За тоа не му треба „солење памет“ од страна, особено што во крајна линија, без оглед дали се работи за наводен напад врз неговата работа или врз работата на институцијата што ја претставува, секогаш треба да има индивидуален мотив за тужба кај него.
Изедначувањето на јавниот обвинител со специјалниот обвинител е просто недозволиво, бидејќи, јавното обвинителство има зад себе стотици и стотици акти и однесувања кои биле критикувани во јавноста и влегле во оцени и на меѓународните набљудувачи, додека Јанева сè уште го нема донесено ни првиот акт! А да не ја заборавиме суштината: Специјалното јавно обвинителство е формирано заради нефункционалноста на Јавното обвинителство!
Одново имаме пример на срамна новинарска оркестрација, без оглед што на едно место имаме дури и новинарски потпис.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
релевантни
повеќе извори
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
несензационален
несоодветен
тенденциозен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови