Спин на преписка на социјалните мрежи
Објавено во Рецензии
on 8 - 05 - 2015 Автор: Александар Пешев
[Рецензија: Хаос во опозицијата: Героски и Спасов се “запукаа”, Заев проба да балансира но Героски луто му одговори!]
Линк до оригиналниот напис: Хаос во опозицијата: Героски и Спасов се “запукаа”, Заев проба да балансира но Героски луто му одговори!
Датум и време на објавување: 27.4.2015
Датум на рецензирање: 3.5.2015
Рецензент: Александар Пешев
Кога ќе се порача на почитување на новинарскиот стандард за прозваната страна да се побара за мислење, не се мисли да се земат елементи од објави за истите да се искористат за новинарски спин. Токму тоа го имаме во оваа објава – обид за извртување, зачинет со коментари.
Самата објава почнува со коментар. Се констатираат состојби за кои не постои соодветна атрибуција:
„Откако граѓаните ја казнија деструктивната политика на Заев и Жерновски во опозицијата владее атмосфера на поделби, критики, разногласија и несогласувања“
На читателот не му се нуди доказ за ставот на граѓаните. Немаме анкета од граѓани ниту нешто слично. Објавата продолжува со цитирање елементи од комуникација преку социјалните мрежи. Не е невидено вакви објави да се употребуваат во новинарски труд. Јавно искажаниот став, особено ако е од јавен интерес, може да добие место во текст или во етер. Како и да е, ваквиот преглед тука добива навивачки елемент, преку јасно изјаснетиот коментаторски елемент во објавата:
„По ваквата преписка на опозициските експоненти со свој коментар се јави и претседателот на СДСМ, Зоран Заев“
Кој вели дека станува збор за „опозициски експоненти“? Нема докази дека двајцата прозвани се во партиското раководство на опозицискиот СДСМ, со што и самиот наслов на објавата може да се смета за неиздржан и за потенцијално лажен. Забележлива е тенденцијата на анонимниот автор да ги дискредитира лицата чии ставови ги пренесува. Кон ова уште и прашањето: толку ли е тешко да се побараат прозваните лица за изјава? Покрај тоа што преписките преку социјалните мрежи често се користат во професионални објави, не е оправдано истите да се употребуваат без обид на новинарот да добие став од прва рака. Доказ за таков обид не е наведен во видно спинуваната објава, која ја имаме како предмет на оваа рецензија.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
нема
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
не апликативно
нема контекстуални линкови
делумно стилски уреден
неповрзан со тагови