Со скандалозен напис не се известува за скандали!
Објавено во Рецензии
on 23 - 08 - 2016 Автор: Xhenis Sulimani
Напис: Скандал/ Активистите на ДУИ во Сингелиќ (Хасанбег): Ако гласате за нас, ќе ви донесеме багери
Еден невиден скандал се случува во Скопје, каде и по пет дена од поплавите жителите сè уште се сред ужасот предизвикан од полавите.
Жителите на Сингелиќ (Хасанбег) алармираат дека активистите на ДУИ во овие албански населби им велат на жителите дека доколку сакаат да им ги исчистат куќи, треба да ги убедат дека ќе гласаат за ДУИ, и дури потоа ќе им ги однесат потребните средства за чистење на нивните куќи, како багери итн. Тие ја коментираат веста дека ова не се осмелил да им го направи ни Чубриловиќ, а ни Милошевиќ.
Жителите, кои ги осудуваат овие случаи, за медиумите велат дека наскоро ќе понудат и видеозаписи – докази за овие страшни работи што ги прави партнерот на Груевски, ДУИ.
[Рецензија: Скандал/ Активистите на ДУИ во Сингелиќ (Хасанбег): Ако гласате за нас, ќе ви донесеме багери]
Манипулациите на партиите на власт со гласачкото тело се од особена важност. И, новинарот може јавно да постави сомнежи и дилеми. Меѓутоа, сомнежите или заклучоците за прашањето што го третира треба да ги аргументира на прецизен начин, со извори и со факти, за информацијата да стигне до јавноста, комплетна, потврдена и објективна.
Линк до оригиналниот напис: „Скандал/ активистите на ДУИ во Хасанбег: ако гласате за нас, ќе ви донесеме багери”
Датум и време на објавување: 12.08.2016
Датум на рецензирање: 17.08.2016
Рецензент: Џенис Сулимани
Новинарскиот производ што го рецензираме тврди дека информира за еден скандал, но истиот не го потврдува со ниеден аргумент. Во текстот се вели дека на жителите на Сингелиќ (Хасанбег) им се вели дека „доколку сакаат да ги исчистат нивните куќи, треба да ги убедат дека ќе гласаат за ДУИ“.
„Жителите на Сингелиќ (Хасанбег) алармираат дека активистите на ДУИ во овие албански населби им велат на жителите, дека доколку сакаат да им ги исчистат куќите, треба да ги убедат дека ќе гласаат за ДУИ и дури потоа ќе им ги однесат потребните средства за чистење на нивните куќи, како багери, итн. Тие ја коментираат веста дека ова не се осмелил да им го направи ни Чубриловиќ, а ни Милошевиќ“.
Авторот на текстот за погорните тврдења нема ниту еден единствен аргумент. Ниедна аудиоснимка од изјавите на жителите, ниту една напишана изјава или видеозапис. И да не зборуваме за невклученоста и недостигот од изјаснување на „обвинетата“ страна. Овие елементи би биле аргументи за тоашто авторот го посочува како скандал. Новинарската вистина е еднаква на збирка на факти. Исто така, и новинарската транспарентност се мери со факти.
Доколку се потврдеше овој скандал со една целосна, прецизна и потврдена информација, јавноста ќе добиеше реална слика за манипулативните политики. Во вакви случаи, наместо откривање на скандалозното однесување на партијата на власт, како што тврди содржината, скандалот оди како „автогол“ за самиот текст и за неговиот автор.
„Точноста на информацијата треба да се докаже колку што е можно повеќе. Доколку новинарот проценува дека непотврдената информација е од јавен интерес, тој е обврзан да ја објави, но истакнувајќи дека станува збор за непотврдена информација“, велат стандардите на новинарската етика.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
шпекулира без факти
некреативен
сензационален
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
не апликативно
нема контекстуални линкови
стилски неуреден
неповрзан со тагови