Напис: Мола Сула го нарекува Груевски диктатор откако го „благослови“

Претседателот на ИВЗ во Македонија, Сулејман Реџепи, вели дека муслиманите од Балканот кои се борат во Сирија претставуваат опасност. Тој го смета поранешниот премиер Груевски за диктатор, пренесува „Телеграф“.

Реџепи ова го изјавил во еден разговор со новинар од балканската мрежа БИРН, одржан во неговата канцеларија во Општина Чаир во Скопје.

Познат и како колумнист, Сулејман Реџепи вели дека често е критикуван, но тој постојано пишува колумни само во свое име како интелектуалец и како граѓанин на оваа држава.

Понатаму, Реџепи говори за мрежата БИРН дека не може да гарантира дека нема криминалци и терористи кај муслиманите, но самата религија не може да се идентификува со реалностите на поединците што само формално ѝ припаѓаат.

[Рецензија: „Мола Сула го нарекува Груевски диктатор откако го „благослови““]

Желбата да се критикува, наводно како дел од професијата, често прави новинарот да стане жртва на професионалните гафови, критикувајќи каде што ќе стигне. Се случува, како во конкретниот случај, авторот да направи оправдани критики, но да не ги третира на соодветен начин.

Линк до оригиналниот напис: „Мола Сула го нарекува Груевски диктатор откако го „благослови“

Датум на објавување: 18.02.2016

Датум на рецензирање: 19.02.2016

Рецензент: Фатлуме Дервиши

Проблемот со овој текст, главно, се состои во самиот наслов „Мола Сула го нарекува Груевски диктатор откако го „благослови““. Зборот „благослови“, што многу убаво можеше да стои на албански „бекои“, не е напишан ненамерно на македонски. Ова сугерира на понижување за Сулејман Реџепи. Намерата како да била да се потсети читателот дека во минатото Сулејман Реџепи го благословил  Груевски (што на индиректен начин значи поддршка), а сега излегол со поинаков став и го смета за диктатор.

„Претседателот на ИВЗ во Македонија, Сулејман Реџепи, вели дека муслиманите од Балканот кои се борат во Сирија претставуваат опасност. Тој го смета поранешниот премиер Груевски за диктатор, пренесува „Телеграф“.“

Текстот опишува едно интервју на Реџепи со еден новинар на БИРН, но не го објаснува насловот. Читател што не ги следел во континуитет активностите на Реџепи, никако нема да може да разбере зошто во наслов стои зборот „благослови“, какво значење има и зошто не е објаснет во текстот.

Новинарот со право можел да се занимава со променетиот став на претседателот на ИВЗ. Ова претставува јавен интерес. Но, такво нешто треба да се аргументира и да се постави прашањето зошто се случило такво нешто.

Текстот како што е напишан се смета за тенденциозен без потреба. Во него нема детали за тоа што се сугерира во насловот.

„Понатаму, Реџепи говори за мрежата БИРН дека не може да гарантира дека нема криминалци и терористи кај муслиманите, но самата религија не може да се идентификува со реалностите на поединците што само формално ѝ припаѓаат.“

Овој е делот што покажува појасно дека врската меѓу насловот и текстот е многу бесмислена.

Проблематична е и сликата. Ставајќи еден „Х“ на сликата на поглаварот на ИВЗ, се зазема еден став од страна на порталот, а тоа не е професионално. Било со зборови или со фотографии, новинарите треба да се дистанцираат од земање страна во веста. Овде јасно се гледа негативната намера на овој текст.

Критиката треба да биде присутна за секоја институција, па макар и за ИВЗ, но таа треба да биде добро аргументирана, со факти и со цитати, во спротивно ќе биде очигледна пристрасноста.

Истата иронична конотација, истиот збор „благослови“, за истата личност, Сулејман Реџепи, била употребена и другпат. Иако оригиналниот напис е тргнат, овде може да ја прочитате рецензијата за написот со наслов „Дали на луксузниот ифтар Реисот го „благослови“  Движењето Беса ?“