verifikimiifakteve.mksitemap
verifikimiifakteve.mksitemap

Сервис за проверка на факти од медиумите

Проект на УСАИД за зајакнување на медиумите во Македонија
USAID Logo

„Сензационално“ распукан асфалт

on 13 - 09 - 2016       

kumanovski-muabeti

[Рецензија: 5,1 степени по Рихтер ја стресе цела Македонија]

 

Непотребно преувеличување на ситуација, која и онака предизвика паника кај граѓаните, особено кај скопјани. Би рекле „долевање масло на огнот“ со пласирање несоодветен наслов и фотографија, кои може само да внесат дополнителен страв и немир кај јавноста, која, пак, во моментите по силниот земјотрес во Скопје очекуваше нов поинтензивен потрес.

 

1111Линк до оригиналниот напис: 5,1 степени по Рихтер ја стресе цела Македонија

 Датум и време на објавување: (најверојатно) 11.09.2016

 Датум на рецензирање: 13.09.2016

 Рецензент: Владимир Мирчески

 

СЕНЗАЦИОНАЛИЗАМ ВО НАСЛОВОТ И ФОТОГРАФСКО ЗГОЛЕМУВАЊЕ НА ШТЕТИТЕ ОД ЗЕМЈОТРЕСОТ

Нема дилеми, во Скопје се случи силен земјотрес од 5,3 степени, а не од 5,1, според Рихтеровата скала, но оваа непрецизност ќе ја припишеме на брзањето, како и на користењето други медиуми како извор. Исто така, поради јачината, потресот беше почувствуван во целата земја и во соседството, но не со таков интензитет. Значи земјотрес со јачина од 5,3 степени го стресе Скопје, а не цела Македонија. Сепак, има разлика и тоа голема. Не може во насловот да се тврди дека јачината на потресот насекаде била иста, зашто тоа едноставно не е така. Тоа е фелер број 1.

Фелер број 2: покрај педесетината граѓани кои побарале медицинска помош, земјотресот остави и штета зад себе: урнати делови од стари објекти, паднати делови од дотраени фасади, скршени прозорци, елементи од оџаци завршија врз автомобили итн

 

КОЈ „ГО РАСПУКА“ АСФАЛТОТ?

Ама интензитетот на ударите, за среќа, не беше таков за да предизвика пукнатини во асфалтот и големи процепи, како што тоа сликовито ни го прикажува фотографијата во написот. Не, оштетувања имаше, ама не такви.

Кога се правел и се објавувал текстот, требало да се има на ум дека употребата на несоодветна фотографија може да доведе до дополнителен страв кај граѓаните, кои и без тоа беа во шок. Едноставно, како да се играло на картата на сензационализам – да се стави фото-илустрација која нема врска со овој настан, да се „залепи“ што било, па макар тоа било од земјотрес во Азија.

Начинот на информирање во случаи на несреќи, елементарни непогоди, војни, семејни трагедии, болести, судски постапки мора да биде ослободен од сензационализми – член 8 од Кодексот на новинари.

Во овој случај, во услови на немање фотографија од местото на случувањето, ќе било подобро да се стави понеутрална илустрација, на пример, од сеизмографска мерна карта.

Со право читателот што го предложи овој напис за рецензија реагирал дека насловната конструкција и фотографијата може да предизвикаат дополнителна паника.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

точни наводи

веродостојни наводи

infoVistinitostИЗВОРИ НА ИНФОРМАЦИИ

има евидентирани извори

официјални

релевантни

повеќе извори

повеќестрани

infoVistinitostСЕОПФАТНОСТ

сеопфатнo

infoVistinitostПРИСТРАСНОСТ

нема лажни информации

не аплиактивно

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

делумна копија

наведен извор без линк

infoVistinitostКВАЛИТЕТ НА НАСЛОВОТ

не информира

некреативен

сензационален

несоодветен

нејасен

infoVistinitostФОТОГРАФИЈА

има

несоодветна

манипулира

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

нема мултимедијални елементи

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *