verifikimiifakteve.mksitemap
verifikimiifakteve.mksitemap

Сензационализам без причина и без чувствителност

on 1 - 06 - 2016       
Овој напис го има и на: Албански

pavle

[Рецензија: ФОТО: Страшна сообраќајка – пратеникот Павле Трајанов во директен судир пред Гевгелија]

Ако во оваа рецензија почнеме од насловот на оваа медиумска содржина:

„Страшна сообраќајка – пратеникот Павле Трајанов во директен судир пред Гевгелија“,

и ако потоа стигнеме, живи и здрави, до епилогот и на настанот и на текстот:

„Тој не е повреден, а четворица сопатници на двете возила имале повреди, биле префрлени во клиниките, а потоа сите пуштени на домашно лекување“,

на ова кратко патување ќе се соочиме со бескрајната провалија меѓу професионализмот и сензационализмот без причина.

Навистина, воопшто не е за потценување сообраќајката и, за среќа, учесниците во неа поминале многу подобро отколку што можело да биде, ама вака да се надува наслов е – жива измама!

05312016-Press24-Pavle-TrajЛинк до оригиналниот напис: ФОТО: Страшна сообраќајка – пратеникот Павле Трајанов во директен судир пред Гевгелија

Датум и време на објавување: 30.05.2016, 12:10

Датум на рецензирање: 01.06.2016

Рецензент: Зоран Бојаровски

НАСЛОВОТ – ЖИВА ИЗМАМА!

Нема премногу да се задржуваме на бројните слабости на овој текст. Освен насловот, нема ниту една изјава од овластени или експертски лица за сообраќајна несреќа што се случила два дена претходно. Нема изјава од ниту еден од учесниците во сообраќајката, иако една од нив е позната личност, а башка ниту еден не бил задржан во болница.

Наместо тоа, објавуваме некои од препораките (Новинарски прирачник) за известувања од вакви настани. Првата од нив вели дека треба да се биде сигурен дека насловот и воведот се во склад и произлегуваат од тоа што е содржано во  текстот.

Следната препорака вели дека кога се известува за несреќи или за криминал, секогаш мора да се внимава како тоа може да влијае врз жртвите и врз нивните најблиски. Мора да се покаже почит кон луѓето кои се во тага или во состојба на шок.

Впрочем, тоа го налага и Кодексот на новинарите во членот 8:

Начинот на информирање во случаи на несреќи, елементарни непогоди, војни, семејни трагедии, болести, судски постапки мора да биде ослободен од сензационализми.

Наместо придржување до овие препораки, пред нас е содржина од оние „евтини“, „петпарачки“, „булеварски“, „трачерски“ кои сметаат на сензационализам и непроверерени вести за да привлечат и да го задржат интересот на поширок круг читатели. Неоправдано!

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

точни наводи

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

нема евидентирани извори

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

делумно прикажува вистина

не може да се утврди

нема лажни информации

не аплиактивно

комерцијална пристрасност

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

не може да се одреди

ненаведен автор

infoVistinitostКВАЛИТЕТ НА НАСЛОВОТ

не информира

некреативен

сензационален

несоодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

нема мултимедијални елементи

нема контекстуални линкови

делумно стилски уреден

неповрзан со тагови

Претплатете се за најнови вести