Сендвич од Единбург „сликан“ на собирот од ГДОМ!
Објавено во Рецензии
on 25 - 04 - 2016 Автор: Владо Ѓорчев
[Рецензија: Контрадемонстрантите незадоволни од сендвичите што се делеа денес на собирот од ГДОМ]
Кога еден текст шири невистини, тоа нема никаква врска со новинарството. Таков е и овој напис. Искористувајќи фејсбук-статус, направена е вест, без притоа да се потврди или да се провери. Сето тоа е замешано со коментар и се добило ваква „каша“, каква што имаме за рецензија.
Линк до оригиналниот напис: Контрадемонстрантите незадоволни од сендвичите што се делеа денес на собирот од ГДОМ
Датум и време на објавување: 21.04.2016
Датум на рецензирање: 25.04.2016
Рецензент: Владо Ѓорчев
НЕТОЧНА ВЕСТ
Фотографијата и статусот се земени од „Фејсбук“ и од тоа се прави информација која треба да омаловажи една политичка партија и нејзините приврзаници. Сепак, мора да се каже дека ова е невистинита вест. Ваков сендвич не бил делен во автобус.
При проверката низ интернет, може да се забележи дека оваа фотографија е објавена на 3 мај 2015 година во „Стар“ (thestar.com). Текстот со наслов: „Фото од тажeн шкотски сендвич се шири вирално“ (Photo of sad Scottish sandwich goes viral), обработува информација за тоа какви сендвичи се продаваат во еден ресторан на аеродоромот во Единбург (Шкотска). Приказната е за сендвич купен од аеродромски ресторан, чиј муштерија потоа се пожалил.
Со тоа е прекршен член 1 од Кодекост на новинари:
Новинарот има право на слободен пристап до сите извори на информирање што се од јавен интерес.
Новинарот треба да објавува точни, проверени информации и нема да прикрива суштински податоци и да фалсификува документи.
Доколку информацијата не може да се потврди или станува збор за претпоставка, односно шпекулација, тоа треба да се каже и да се објави.
Точноста на информацијата треба да се провери колку што е тоа можно.
Иако на социјалните мрежи веднаш беше демантирана ова вест, нема нов текст со исправка. Со тоа е прекршен и член 3 од Кодексот на новинари.
Новинарот ќе настојува да биде обезбедено објавување на исправка, деманти и одговор во случај кога ќе биде утврдена неточност на информацијата.
Текстот е без потребните елементи што треба да ги има секој ангажиран новинарски напис. Нема изјави, не е објективен и воопшто не е содржаен. Само од фејсбук-статус не може да се изгради приказна.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
прикажува невистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
стилски неуреден
неповрзан со тагови