Прашајте ја партијата, а не друг портал!
Објавено во Рецензии
on 21 - 07 - 2015 Автор: Александар Пешев
[Рецензија: СДСМ остана без економски тим: Kој ќе ја пишува изборната програма]
Констатации на авторот кои се презентираат како факти, па спин кој покажува политичка пристрасност за на крај да се резимира со навивање за владеjачката партија. Непрофесионална објава која остава впечаток на неактивно новинарство – искористени се секакви, освен официјални извори, а не се создава впечаток дека медиумот се обидел да добие официјални информации.
Линк до оригиналниот напис: СДСМ остана без економски тим: Kој ќе ја пишува изборната програма
Датум и време на објавување: 17.7.2015, 16:04
Датум на рецензирање: 19.7.2015
Рецензент: Александар Пешев
Интересно е како непотпишаниот автор на оваа објава пишува за факти без понуда на никаква фактичка потврда на своите тврдења. Уште од првата реченица на читателот му се нуди класичен коментар.
„Факт е дека економскиот тим на социјалдемократите се распаѓа.“
Навистина? Покрај ваква констатација би требало да се понуди некаква подршка на тврдењето. Да видиме што се нуди како доказ: по информацијата дека тројца членови се дистанцираат од партијата, уште една констатација:
„На само девет месеци пред изборите СДСМ остана без економски тим.“
Ваквото тврдење би било точно доколку опозициската партија има трочлен економски тим. Дали авторот остава впечаток дека се јавил во партијата да праша кои членови ќе ја создаваат економската програма на СДСМ? Не. Наместо прашањето да се насочи кон партијата, авторот одлучува да го праша читателот:
„Кој економски експерт ќе им ја пишува економската програма?!“
Од каде, пак, читателот треба да го знае ова? Прашајте ја партијата.
„Како што пишува „Курир“ по официјалната оставка на потпретседателот на СДСМ Ванчо Узунов, економскиот тим во СДСМ е растурен.“
Реков прашајте ја партијата, а не друг портал… Нејсе. По краткиот преглед на хронологијата на настаните околу оставката на професорот Ванчо Узунов, што впрочем е единствениот новинарски елемент во објавата, се прави обид за спин. Поточно, текстот се повикува на „познавачи“ без ниту една изјава од познавач. Реално е да се претпостави дека дел од познавачите би го аргументирале наведеното, но за ваквото тврдење во текстот да добие релевантност, потребно е барем една изјава од познавач. Тоа го немаме, што остава впечаток за неактивност и за незаинтересираност.
Ваквиот начин на работа продолжува со повторно цитирање на анонимни извори на друг портал сè за да се илустрира конечното извртување кое ја демонстрира политичката пристрасност на објавата:
„…откако СДСМ остана без економски тим, лидерот Заев кампањата или ќе ја води со набрзина и нереално составена економска програма, или ќе мора да води исклучиво негативна кампања“
Текстот завршува како што почнува: со коментар, неподдржан со изјави:
„Ваквата стратегија на СДСМ досега се покажала како погубна, бидејќи ВМРО-ДПМНЕ изминатите години пред граѓаните излегуваше со конкретна програма, проекти и рокови, како и отчет за сработеното и тоа им донесе 9 изборни победи по ред.“
Токму на крајот на текстот може да се претпостави за кого навива авторот.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
ИЗВОРИ НА ИНФОРМАЦИИ
има евидентирани извори
неофицијални
не може да се утврди
еднострани
СЕОПФАТНОСТ
несеопфатнo
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови