Рециклирање на информација стара четири години
Објавено во Рецензии
on 15 - 12 - 2016 Автор: Силвана Жежова[Рецензии: Унгарија ја призна Македонија под уставно име!]
Текстот што е предмет на рецензија дава неточна информација во однос на признавањето на уставното име на Македонија од страна на Унгарија. Имено, Унгарија ја призна Македонија под уставно име во 2012 година, но осум медиуми објавија дека оваа држава нè признала под уставно име на 14 декември 2016 година. И одеднаш информација стара четири години, се објавува со ист наслов и со содржина кои се дизинформирачки.
Линк до оригиналниот напис: Унгарија ја призна Македонија под уставно име!
Датум и време на објавување: 14.12.2016
Датум на рецензирање: 14.12.2016
Рецензент: Силвана Жежова
НЕТОЧНА ИНФОРМАЦИЈА
Во написот што го рецензираме, се вели дека информацијата е преземена од „Вечер“, текст кој најпрво е објавен, а потоа тргнат од веб-страницата на весникот. Притоа се споменува и спорот за името со Грција, прашање кое воопшто не е актуелизирано во односите меѓу Македонија и Унгарија во поново време.
„Oд денеска и Унагарија на листата на земји кои официјално ја признаа нашата држава под уставното име. Унгарија им се приклучи на останатите земји кои сметаат дека спорот со Грција е билатерален спор, кој не треба да влијае на односите со другите држави или институции, пишува Вечер.Картата на светот кој покажува кои држави се наши сојузници, а кои се на страната на јужниот сосед“.
Во овој дел од текстот, исто така, се гледа дека станува збор за стара вест, бидејќи министер за надворешни работи на Унгарија е Петер Сијарто, а во текстот се споменува Јанош Мартоњи, кој точно е дека бил министер за надворешни работи, но пред четири години.
„Министерот за надворешни работи, денеска, како што соопштуваат оттаму, упати писмо до министерот за надворешни работи на Унгарија, Јанош Мартоњи, во кое се поздравува најновата одлука на Унгарија да ја потврди и официјализира досегашната пракса на обраќање кон Македонија со нејзиното уставно име во билатералната комуникација“.
Во овој дел од написот се споменува „писмо на министерот Попоски“, но такво писмо со датум од 14 декември 2016 година не постои.
„Во писмото, меѓу другото, министерот Попоски нагласува дека Република Македонија високо ја цени отворената и гласна поддршка што ја дава Унгарија кон нашата земја од осамостојувањето“.
Текстот што го рецензираме, а кој во меѓувреме е повлечен, најпрво ја дезинформира јавноста и дава неточна информација за времето кога Унгарија ја признала Македонија под уставно име. Исто така, овој пример говори за леснотијата на објавувањето информации по македонските медиуми и нивното преземање, без да се провери вистинитоста, актуелноста на истите и да се проверат изворите. Истовремено, написот говори за основно непознавање на работи кои се однесуваат на надворешната политика кои денеска, пак, многу лесно можат да се проверат.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
нема евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
прикажува невистина
извртување на вистина (спин)
лажни информации
не аплиактивно
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
поврзан со тагови