Премиерското интервју пренесено, поводот скриен
Објавено во Рецензии
on 14 - 10 - 2015 Автор: Оливера Војновска
[Рецензија: Груевски: Ќе се забрза реновирањето на студентскиот дом „Гоце Делчев“, а ќе се гради и нов студентски дом]
Овој текст информира половично и тоа го прави свесно. Во него е пренесна само опширната изјава на премиерот за тоа дека „ќе се забрза реновирањето на студентскиот дом „Гоце Делчев“, а ќе се гради и нов студентски дом“. Но, нема ниту збор за објавата и за фотографиите на „Студентски пленум“, па фактички, невидлива е поплавата во Студентскиот дом по обилните врнежи (10 октоври 2015 година), поради што публиката не може да добие целосна и објективна слика.
Линк до оригиналниот напис: Груевски: Ќе се забрза реновирањето на студентскиот дом „Гоце Делчев“, а ќе се гради и нов студентски дом
Датум и време на објавување: 11.10.2015, 19:46
Датум на рецензирање: 12.10.2015
Рецензент: Оливера Војновска
А ПОРАКАТА „ВО ГОЦЕ ВРНЕ, КАЈ ВАС ДОМА КАКО Е?“
Написот се потпира на изјавата на премиерот која е точно пренесена, ама не е наведено дека е дадена за друг медиум. Поточно, не е посочено дека станува збор за фрагмент од интервју за една телевизија (од 22,15 до 26,03 минута од видеозаписот), што претставува пропуст.
Меѓутоа, главниот проблем со текстот е што тој е фокусиран само на најавата на премиерот за изградба на нов студентски дом и за забрзано реновирање на домот „Гоце Делчев“. И, притоа, воопшто не ја спомнува пораката на „Студентски пленум“:
„Во Гоце внатре врне, кај вас дома како е?“,
која студентите ја напишаа на својата фејсбук-страница и ја поткрепија со фотографии што сведочат за поплавата во руинираниот студентски дом.
Покрај тоа, објавата на „Студентски пленум“ беше еден ден пред интервјуто на премиерот.
Токму премолчувањето на поплавата на Студентскиот дом ја прави информацијата селективна, а самиот текст „поплавен“ од пристрасност, при што паѓа в очи фалбаџиската интонација во изјавата на премиерот.
Начинот на кој е пласирана информацијата се коси со основните принципи на новинарскиот Кодекс и остава впечаток дека намерата била да се нагласи грижата на владејачката партија (премиерот) за студентите – за тоа колку се посветени во решавањето на нивните проблеми.
Во таквиот пропагандистички концепт, пак, веројатно не се совпаѓала пораката „Во Гоце внатре врне, кај вас дома како е?“ и фотографиите што говорат за мизерните услови во кои живеат студентите.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
не може да се утврди
нема лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
поврзан со тагови