Групна анестезија
Објавено во Рецензии
on 9 - 10 - 2015 Автор: Љубомир Костовски
[Рецензија: Заев си избира обвинител, Јанева молчи, Башевска презакажува]
Една од основните карактеристики на политичкиот живот годинава е аферата „Пуч“, која има и некакво свое судско пледоаје (обвинение). Сигурно дека оваа афера беше само една во низата други, отворени со сознанијата дека се прислушувани повеќе од 20.000 граѓани кои откриваа дузини и дузини афери на самата власт. Тие, пак, афери немаа свое судско пледоаје, иако постоеше основа, па ова беше една од причините зошто меѓународната заедница инсистираше на формирање специјално обвинителство – отвореното сомневање дека најпрвин обвинителстото, а потоа и другите чинители на судската власт се способни за непристрасно и за правично судење. Впрочем, во тоа и се состои во голем дел и кризата: создадени се проблеми, а постoјните институции не можат да ги решат.
Весникот со споменатата статија се обидува да прави притисок во насока редовното судство да ги реши (решава) клучните афери низ текст што ако некој би го читал, а е надвор од земјава, секако би рекол – навистина, зошто судијката толку пати го одложува судењето на лидерот на опозицијата?
Линк до оригиналниот напис: Заев си избира обвинител, Јанева молчи, Башевска презакажува
Датум на објавување: 05.10.2015, 23:15
Датум на рецензирање: 06.10.2015
Рецензент: Љубомир Костовски
„Лидерот на СДСМ Зоран Заев ќе се појави во суд за случајот „Пуч“, во кој тој е обвинет за случајот на насилство на највисоки државни органи, односно за уцена на премиерот Груевски со материјали од прислушување само ако обвинител против него е специјалната обвинителка Катица Јанева“. изјави адвокатот на Заев.
Со оваа воведна реченица, како и во понатамошниот тек на текстот, имаме или нешто што народот го вика „правење на Тошо“ или се работи за проверка дали врз нас како читателска публика влијаат обидите за колективна амнезија. Значи, треба да се прескокнат сите настани кои така драматично ја потресоа земјава за да се дојде до некаков предјануарски статус на политичката стварност! Во меѓувреме се случија сите оние „бомби“, почнаа преговорите со помош на меѓународните посредници, имаме два договори од Пржино со кои е регулирана материјата за која говори текстот, постои изјава на Заев, стара барем два месеци, дека нема да се појавува на суд… Ама сите тие месеци и сите тие документи се небитни. Како да постои некоја волшебна формула со која политичките собитија би се ставиле во временски фрижидер и тоа со толкава леснотија што едноставно треба да влијаат на нашата меморија како некаква „крпа за бришење на стварноста“ или суперспин по кој сите паѓаме во лесна кома.
За некој што пишува текстови од толку чувствителна, политичка природа, следењето на дневните настани би требало да биде обврска, а тука се вклучува и немањето потреба да се поставуваат вишок прашања. Дознаваме низ овој текст дека на обвинителката Јанева како редакција, односно автор, ѝ се доставувале прашања од типот дали би го земала случајот „Пуч“ и ако го земе, кога би го сторила тоа, иако таа веќе еднаш одговорила на тие дилеми! Од обвинителка, особено со тие задачи што ги има, не треба да се очекува дека ќе биде постојано на линк со новинарите и тоа во функција на таблета „меморил“.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
Ги нема најсуштествените
не аплиактивно
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
Се рабиоти за фотомонтажа, со непознат автор
ГОВОР НА ОМРАЗА
Има постојана иронија кон првиот човек на опозицијата
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови