Лажно информирање за лажно пријавување
Објавено во Рецензии
on 11 - 04 - 2015 Автор: Владо Ѓорчев
[Рецензија: Заев против граѓаните – ги потцени и навреди!]
Ова е текст кој, да не е насловот, би бил коректен. Се работи за прераскажан и за парафразиран текст преземен од „А1 он“ (без линк, само е наведен изворот) во кој лидерот на СДСМ, Зоран Заев, вели дека има можност да ги тужи граѓаните кои потпишуват петиција со која бараат државата да го прогласи за велепредавник. Проблемот кој сака да го истакне текстот, а што е, всушност, спин, е тоа што се тврди дека наводно Заев им се заканил на граѓаните. Со тоа написот сака да го омаловажи претседателот на СДСМ, што е и единствената цел на ова четиво.
Линк до оригиналниот напис: Заев против граѓаните- ги потцени и навреди!
Датум и време на објавување: 07.04. 2015, 14:32
Датум на рецензирање: 09.04.2014
Рецензент: Владо Ѓорчев
ВО ИНТЕРЕС НА ГРАЃАНИТЕ
Текстот, инаку, во најголем дел е пренесен од „А1он“, каде Заев има своја изјава околу случувањето со собирање потписи за негово затворање. И тука, а и во текстот на „А1 он“ се вели дека постои можност да ги тужи граѓаните за лажно пријавување. Притоа, тој не се заканува, ниту навредува, туку само изнесува можност која е дадена во Законот, а е во интерес на граѓаните да не подлегнуваат на провокации затоа што прават кривично дело. Од кога тоа предупредување за кривично дело станува закана?
Според член 366 став 1 од Кривичниот законик:
Тој што ќе пријави друг дека сторил кривично дело за кое гонењето се презема по службена должност, а знае дека не е сторител, ќе се казни со затвор од три месеци до три години.
Со тоа паѓа во вода тезата на текстот дека Заев ги заплашува граѓаните. Тој само им укажува на кривичното дело што го прават.
Ова е уште еден текст од низата кои имаат цел да се омаловажи лидерот на опозицијата. И постојано тоа се прави непрофесионално, со слабости, со спинови. Тоа само покажува дека намерата не е професионално да се известува, туку во пропагандни цели.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови