Рецензија: Забранет влез за Роми во новиот Аква парк
Објавено во Рецензии
on 10 - 08 - 2013 Автор: Соња ЗдравескаНапис со сензационална содржина, премногу едностран за да биде веродостоен.
Линк до оригиналниот напис: Забранет влез за Роми во новиот Аква парк
Датум и време на објавување: 31.07.2013 17:11
Датум на рецензирање: 05.08.2013
Рецензент: Соња Здравеска
Вистинитост: Факт е дека настанот за кој се жалат граѓаните во овој напис, се случил. Но, авторот целосно ја следи нивната верзија на настанот, без да ги истражи сите околности и да консултира други извори. На читателот му е презентирана само едната страна на приказната, што ја подрива веродостојноста на написот.
Извори на информации: Целиот текст се темели на изјавите на граѓанин и неговата ќерка, кои се жалат дека биле дискриминирани поради нивната етничка припадност. Клучен проблем на овој напис е тоа што во него нема изјава од раководството на Аква-паркот, кое е предмет на обвинение во насловот и во текстот на веста. Ова го прави написот едностран и неизбалансиран. Можни извори за оваа приказна се и претставници на спортскиот центар „Борис Трајковски“, па и од Владата и од највисоките структури на власта, затоа што аква-паркот е во државна сопственост (нешто што авторот морал да го потенцира и проблематизира). Ако во државниот аква-парк е „забранет влез за Роми“, тоа значи дека дискриминира државата, што отвора сосема нова димензија на овој настан и поширока тема за дискриминацијата во нашето општество.
Содржајност: Ова е типична вест со две спротивставени страни, а во текстот се прикажува ставот само на едната.
Пристрасност: Поради тоа што се пренесува само едната страна на приказната, тешко е да се утврди веродостојноста на овој напис. Во насловот е изречена генерализација (нема влез за Роми во Аква паркот), за која нема никаков доказ во текстот. Ова може да се толкува и како спинување – индивидуалниот случај се прикажува како тренд или правило, а тоа не е потврдено на ниту еден начин.
Квалитет на насловот: Сензационалниот наслов го наведува читателот на тоа дека во аква паркот е забранет влез за сите Роми, за што нема поткрепа во текстот и ова претставува недозволена генерализација.
Фотографија: Написот е илустриран со фотографија од внатрешноста на скопскиот аква-парк.
Говор на омраза: Написот посочува примери на говор на омраза насочен кон Ромите, но само како илустрација на нивната дискриминација.
Заклучок: Написите во кои се јавува за расна, верска, етничка или сексуална дискриминација привлекуваат многу внимание и читатели, особено на интернет-порталите. Знаејќи го ова, новинарите и уредниците треба посебно да внимаваат на новинарските стандарди кога се занимаваат со вакви чувствителни теми. Природно е новинарот да го има пред себе граѓанскиот интерес и да известува за случаите на диксриминација, но тоа не значи „слепо“ следење само на едната страна.
И кога се работи за вакви поплаки од граѓаните, новинарот не смее да ја заборави основното правило – да ги прикаже ставовите на сите засегнати страни во приказната. Негова задача е да известува, а не да утврдува кој е виновен и кој е во право, во ситуација кога има две спротивставени страни на една приказна. Во спротивно, наместо легитимна алатка за алармирање на јавноста за дискриминацијата, новинарските наслови и текстови може да останат само средство за привлекување „кликови“, а оттаму може да се злоупотребат за поттикнување нетрпеливост.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
релевантни,
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
не може да се утврди
не може да се утврди
наклонетост
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови