Рецензија: Во автобуси – со закани и уцени на трибина на Груевски – присуството задолжително!
Објавено во Рецензии
on 18 - 03 - 2015 Автор: Зоран Бојаровски
Една техничка информација, поврзана со организирањето партиската трибина на ВМРO-ДПМНЕ, потклекнала на искушението да биде нешто повеќе, но тоа повеќе не е во согласност со професионалните новинарски стандарди и, од тој аспект, авторот и медиумот си направиле проблем.
Во ерата на една целосна медиумска понуда, која, покрај традиционалните медиуми, е максимализирана со информациите што им стојат на располагање на корисниците на медиумските интернет-платформи во сите форми, изборот е навистина исклучително богат. Но, тоа не значи дека тој избор нема правила. Во лекцијата „Фејсбук не е простор за новинарско самопослужување“, колегата Саше Димовски, многу јасно става до знаење:
„Медиумите можат да објават лични податоци или приватни фотографии на јавни личности само доколку докажат дека јавниот интерес преовладувал над приватниот. Секое друго преземање на податоци, во најголема мера фотогрaфии од социјалните мрежи, не е дозволено и се казнува. Новинарско самопослужување со туѓи фотографии, без дозвола е спротивно на закон.“
Овој цитат, како дел од лекцијата, е недвосмислен во која рамка треба да се гледа посегнувањето по содржини од социјалните мрежи. Иако во текстот што го рецензираме не се соочуваме со драстично кршење на правилата пропишани со Кодексот на новинарите или со законските одредби од различните закони кои ја покриваат оваа материја, оваа рецензија укажува на тенката линија по која одат медиумите и медиумските работници.
Линк до оригиналниот напис: Во автобуси – со закани и уцени на трибина на Груевски – присуството задолжително!
Датум и време на објавување: 15.03.2015, 10:58
Датум на рецензирање: 17.03.2015
Рецензент: Зоран Бојаровски
Дури и да земеме дека едниот принтскрин, оној каде што не е јасно дека станува збор за порака за еден окружен комитет на партијата што го организираше собирот, тое не може да биде земено за грев зашто, сепак, спаѓа во вообичаена и очекувана комуникација на партиските структури со своето членство.
Другите две „позајмени“ пораки од „самопослугата социјални мрежи“, имаат една проблематична нишка зашто наведуваат дека „за вработените одењето е задолжително“. Податоците за „сопствениците“ на овие пораки се замаглени за да се зашти медиумот од евентуалното обвинување за „упад“ во приватноста, но новинарската задача не требало да заврши тука. Секако, според принципот „втора страна“, ќе беше многу попрофесионално доколку имавме изјава во врска со овие „препораки“, но…
Исто така, за волја на вистината, мора да се прифати дека во објавените принтскринови не можеме да видиме закани и уцени, и, според тоа, паѓа во вода насловот на овој текст. Бидејќи насловите се излогот на новинарските тсктови, мора да констатираме дека излогот на оваа медиумска содржина не соодветствува на „продуктите“ во „продавницата“.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни
повеќе извори
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
нема извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
нечитлив
неквалитетни мултимедијални елементи
нема контекстуални линкови
стилски неуреден
неповрзан со тагови