Рецензија: ВМРО-ДПМНЕ ќе ги чeсти пратениците на СДСМ со уште една плата за нова година
Објавено во Рецензии
on 17 - 12 - 2014 Автор: Зоран Бојаровски
„Ајмо народе, ВМРО части! Од наследство им се парите. А СДСМ е вработена во ВМРО!“ Ова е реакцијата на читател на „Сервис за проверка на фактите во медиумите“ (СПФМ). Духовита реакција, пред сè, на насловот на овој новинарските текст кој, на предлог на овој наш читател, го рецензираме овде пред вас.
Впечатокот и реакцијата на нашиот читател е еден од проблемите на вака изведени наслови. Партикуларно, односно изведена е само една поента и, што е уште полошо, нагласено е нешто (ВМРО-ДПМНЕ ќе ги чести…) што предизвикува контраефект за сметка на објективноста: „…од наследството им се парите, а СДСМ е вработена во ВМРО!“. И просечниот читател повеќе не мора да чита зашто насловот му сугерира пристрасност која веќе ја имаме премногу.
Линк до оригиналниот напис: ВМРО-ДПМНЕ ќе ги чeсти пратениците на СДСМ со уште една плата за нова година
Датум и време на објавување: 15.12.2014
Датум на рецензирање: 17.12.2014
Рецензент: Зоран Бојаровски
Овој текст инаку нема проблем со вистинитоста бидејќи таа е прикажана како недофатлива зашто целата приказна е конструирана врз шпекулации. Веднаш да се разбереме, во новинарството е сосема легитимно да пишувате за шпекулации, но она што мора да биде неопходна состојка во таквата приказна се изворите. Тие мора да ги толкуваат шпекулациите. Особено кога се работи за политички теми и, особено, кога се работи за шпекулации кои, вусшност, стануваат инструменти за политички маневри.
Овој текст како такви требаше да ги контекстуализира политичките шпекулации за кои пишува, а тоа требаше да го направат независни политички аналитичари или упатени личности кои имаат капацитет, легитимитет и политичка смелост, макар и „оф рекорд“ да ги протолкуваат.
Но, нема. Нема ниту еден извор. Освен впечатоците стекнати од седниците на Собранието и на неговите тела, кои се произнесуваа по прашањето за постапката за одземање на мандатите на опозицијата поради отсуствувањата од работата на законодавниот дом.
Нема ниту еден извор од опозицијата. Зошто? Зошто еден текст кој се занимава со едно исклучително политичко прашање да не консултира втора страна? Па, од тоа нема никој да се зарази со некоја болест!
Штета. Една легитимна тема падна на елементарните прашања на професионалното новинарство.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
не може да се утврди
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови