verifikimiifakteve.mksitemap
verifikimiifakteve.mksitemap

Рецензија: ВИДЕО: Заев го нарече Стево државник, како и слоганот од 2004 за Бранко Црвенковски за државник

on 10 - 03 - 2014       

vsa-zaev-pendarovski-0987-0099-crop-resize

Пред фактите и боговите молчат, но кога би го прочитале овој текст, би станале зборлести. Членот 13 од Кодексот на новинарите, всушност, прецизно ја лоцира потребата новинарите да се држат на професионална дистанца од сопствените мислења тогаш кога создаваат вести.

Новинарот треба да прави разлика меѓу фактите и мислењата, меѓу веста и коментарот.

Се разбира, новинарите имаат право да коментираат и да имаат ставови, но тоа е пожелно да го прават издвоено во посебни журналистички жанрови, како коментари и колумни. Информативните жанрови, односно во конкретниот случај вестите, е потребно да бидат необременети со мислења, туку полни со факти. Во текстот што го рецензираме се забележува нешто сосема спротивно на ова.

vsaЛинк до оригиналниот напис: ВИДЕО: Заев го нарече Стево државник, како и слоганот од 2004 за Бранко Црвенковски за државник

Датум и време на објавување: 04.03.2014

Датум на рецензирање: 05.03.2014

Рецензент: Мирослава Бурнс

Кодексот на новинарите предвидува и прецизно како да се известува во предизборието, актуелно во моментот за Македонија.

Во членот 14 од Кодексот се вели:

Известувањето од политичките процеси, посебно од изборите треба да биде непристрасно и избалансирано. Новинарот мора да обезбеди професионална дистанца од политичките субјекти.

 

КАДЕ СЕ ПРЕМИНУВА ГРАНИЦАТА НА ВИСТИНИТОСТА

Границата на вистинитоста е премината во моментот кога субјективизмот и личните ставови станале дел од текстот претставен во форма на информативен жанр. Ако се обидеме да ја откриеме главната цел на оваа објава, односно, која е причината за објавувањето на текстот, ќе продреме во суштината, а тоа е дека се цели Пендаровски да се поистовети или да се приближи до Бранко Црвенковски, да му се наметне партиски багаж и да се претстави како недемократски.

Сето ова се прави без да бидат вклучени извори во приказната. Можеби авторот и присуствувал на Конвенцијата и бил сведок на настаните, но личниот суд што го дава е премногу изразен. Понатаму, особено е впечатливо тоа што се споменува кампања од пред 10 години во контекст на еден збор.

Мешањето на коментарите со мислењата на моменти ескалира кога со огромна жестокост и иронија се напаѓа опозициската партија. Аргументацијата изостанува. На пример, за тврдењето дека 588 делегати по налог на Црвенковски го одбрале Пендаровски е спинерски, односно непоткрепен.

СДСМ повеќе нема право да зборува за демократија, 588 делегати под налог на Бранко Црвенковски  преку Заев го одбраа Стево,  е тоа е демократија.

 

АКО СКОПЈЕ Е ГРАД ВО МАКЕДОНИЈА, ТОГАШ МАРИЈА Е ОД ЈУРУМЛЕРИ

По коментарите, особено е интересно да се анализира и скриената теза која може да ја имлицира овој текст, а тоа е дека поради тоа што Заев го нарекол Пендаровски државник, тоа треба да значи дека Пендаровски е човек на Црвенковски. Оваа аналогија потсетува на следната: Ако Скопје е град во Македонија, тогаш Марија е од Јурумлери.

Дури и кога се пренесуваат факти, несомнено се забележуваат зборови што изразуваат позиционираност во однос на темата, односно пристрасност. На пример, во следната реченица, такви зборови се „едвај“, „понижувачка“, „недемократска“, „протуркан“.

Со едвај 588 гласа во крајно понижувачка и недемократска атмосфера, Пендаровски е протуркан за кандидат на СДСМ за престедател.

Во сличен дух е создаден и насловот, кој во преден план ја става намерата да се поврзат Црвенковски и Пендаровски, а не да се извести за Конвенцијата. Во прилог на тоа оди и фотографијата на која се наоѓа Бранко Црвенковски.

Суштински, текстот потфрла да ја пренесе информацијата непристрасно, изобилува со коментари и сензационализам, до степен кога може да се смести во секцијата за колумни и мислења.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

делумно точни

делумно

infoVistinitostИЗВОРИ НА ИНФОРМАЦИИ

има евидентирани извори

1 извор

еднострани

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

извртување на вистина (спин)

наклонетост

политичка пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

оригинално дело

ненаведен автор

infoVistinitostКВАЛИТЕТ НА НАСЛОВОТ

не информира

некреативен

сензационален

несоодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

ненаведен автор(извор)

infoVistinitostГОВОР НА ОМРАЗА

навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

средно читлив

солидни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести