Рецензија: Тепачка во скопски Чаир
Објавено во Рецензии
on 17 - 12 - 2013 Автор: Владимир Мирчески
Брзината во пласирањето на информациите секако е исклучително важна, но дали за сметка на „трката по ексклузивност“ треба да се заборави на другите елементи во информирањето: точност, вистинитост, доследност и, секако, на крајот автентичност? Одговорот е не. Можеби некому му наликува на мала грешка или пропуст, но како и да е станува збор за прекршок кој го забележа не новинарско, туку око на читател. Кога се пренесува вест за сериозен инцидент, како во случајов тепачка и тоа која можеби претендира да биде „ударна,“ бидејќи информацијата што ја содржи навистина привлекува внимание, тогаш таа мора да биде поткрепена со соодветна, а не подметната фотографија, како што нотира читателот.
Линк до оригиналниот напис: Тепачка во скопски Чаир
Датум и време на објавување: 14.12.2013 20:26
Датум на рецензирање: 16.12.2013
Рецензент: Владимир Мирчески
Вистинитост: Станува збор за вест преземена од друг портал што е јасно наведено. Текстот нема проблем со вистинитоста, бидејќи основата на информацијата, како што се вели, е потврдена од полициски извори. Проблемот е на друго место – во фотографијата, за која е јасно дека е „позајмена“ од некој друг инцидент. Значи, имаме поделена вистинитост – содржинската е коректна, но не и онаа во употребената фотографија. Дополнителна забуна кај читателите би можело да предизвика тоа што во оригиналната вест е искористена сосема друга фотографија со јасно наведен автор. Плус маана е и делот каде се вели дека „причините за нападот и сторителите се непознати“, ама на фотографијата со која се „илустрира“ настанот јасно се гледаат лицата на учесниците во тепачката.
Извори на информации: Изворите се прецизно нотирани: прво дека веста за тепачката ја пренел друг портал и второ дека инцидентот е потврден од полицијата.
Содржајност: Веста, ако ја изземеме „проблематичната“ фотографија, ги исполнува основните критериуми за содржајност. Информира за настан, прецизира каде се случил и пренесува дека има повредени, што е доволно за публиката да биде основно запозната со инцидентот.
Оригиналност/Плагијат: Текстот е преземен и тоа е коректно наведено.
Квалитет на насловот: Насловот е кус и информативен, а притоа јасно кажува за што станува збор и каде тоа се случило.
Фотографија: Еве го проблемот. Сериозноста на информацијата која се обработува не дозволува импровизизации при нејзиното илустрирање, а токму тоа се случува во овој напис. Претпоставуваме, брзината за да се објави веста довела до несоодветна фотографија. Според мене, подобро би била никаква, отколку „фотка“ по секоја цена.
Заклучок: Коректен текст, јасно наведено дека е преземен, со базична информација, добро поткрепен со извори, но со „фабричка грешка“ – ептен промашена фотографија.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
повеќе извори
СЕОПФАТНОСТ
сеопфатнo
нема прикриени информации
ПРИСТРАСНОСТ
првична вест без многу детали
нема извртување на вистина (спин)
не може да се утврди
балансираност
КОМЕНТИРАЊЕ
нема коментаторски елементи
ПЛАГИЈАТ
делумна копија
наведен автор
КВАЛИТЕТ НА НАСЛОВОТ
информира
коректен наслов
соодветен
јасен
ФОТОГРАФИЈА
има
несоодветна
преземена и несоодветна фотографија
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
има контекстуални линкови
делумно стилски уреден
неповрзан со тагови