Сите странци разочарани од Заев – ќе мора да ни верувате на збор
Објавено во Рецензии
on 16 - 06 - 2015 Автор: Ана Анастасовска
[Рецензија: Странските дипломати разочарани, експертите децидни – Македонија ќе трпи полседици од неуспешниот дијалог]
Ова е пример за еден политички пристрасен текст, во кој иако бомбастично се најавуваат реакции од странски дипломати, такви изјави нема никаде во текстот. Целта на текстот е по секоја цена да се нападне опозицискиот лидер, да му се стави на товар неуспешноста од преговорите во Брисел за излез од политичката криза во земјава, како и вината за актуелната состојба и за евентуалната неуспешна европерспектива на земјата.
Линкуван наслов на анализираниот напис: Странските дипломати разочарани, експертите децидни – Македонија ќе трпи полседици од неуспешниот дијалог
Датум и време на објавување: 12.06.2015
Датум на рецензирање: 15.06.2015
Рецензент: Ана Анастасовска
„Македонија ќе трпи последици од неуспешните разговори. По неуспешниот крај од 12 –часовните преговарања во Брисел странските дипломати се разочарани од односот на некои политички актери , кои како што велат немаат чувство за евроатланската перспектива на земјава. Експертите предупредуваат на уште поголема криза поради неодговорниот однос на Заев.“
Уште на почетокот од текстот, авторот најавува дека странски дипломати биле многу разочарани од неуспешните преговори во Брисел, префрлајќи ја вината за тоа на опозицискиот лидер, Зоран Заев. Во тоа биле согласни и експертите.
Читајќи го понатаму текстот, сфаќате дека нема ниту една изјава од странски дипломат или експерт. Кои се тие што се разочарани од „неодговорниот однос на Заев“ останува енигма.
„Што значи непостигнување на политички договор? Упатените се децидни – стагнација на земјата. Почнувајќи од губење на препораката и назначување на специјален претставник од Унијата и силен удар врз економијата. И покрај лошите пораки и предупредувањата, Заев е задоволен.“
И повторно: Кои се тие упатени? Дали тие навистина постојат или, пак, упатениот е самиот автор? Професионален новинарски текст треба да содржи изјави и од таквите изјави читателот самиот ќе извлече заклучок. Вака составен, написот не го задоволува минималното ниво на сеопфатност, нема никакви официјални извори, туку само заклучоци и спинувања на авторот, кој го наведува читателот на тезата дека „Заев е крив за кризата во државата, а Груевски е жртвата“. Ова е чисто партиско-пропаганден напис.
„За однесувањето на Заев реагираа и голем дел на јавни личности и политичари. Социјалните мрежи беа преплавени со негативни коментари и порачаа дека народот нема да заборави кој бил виновен ако Македонија ја загуби препораката за почеток на преговорите.“
За сликата да биде појасна, се манипулира и со бурни реакции на социјалните мрежи, кои не се пренесени, од што може да се заклучи дека истите, како и изјавите на наводните дипломати и експерти, се измислени.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
релевантни
повеќе извори
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
сензационален
соодветен
јасен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови