Рецензија: Спремете се за жешко време и големо невреме
Објавено во Рецензии
on 11 - 07 - 2014 Автор: Оливера Војновска
Кога ќе се прочита насловот на веста: „Спремете се за жешко време и големо невреме“, се добива впечаток како да доаѓа кој знае каква временска непогода. Алудира на тоа дека да ќе се случи нагла промена на времето. Па одеднаш, од нигде никаде, од пеколни горештини ќе настане некакво страшно невреме. Можеби бура! И фотографијата со која се илустрирани овие неколку реда „најавува“ такво нешто. Сепак, нема место за паника. Внтаре во веста може да се види дека е во прашање временска прогноза за уште еден вообичаен топол јулски ден.
Линк до оригиналниот напис: Спремете се за жешко време и големо невреме
Датум и време на објавување: 07.07.2014, 09:04
Датум на рецензирање: 10.07.2014
Рецензент: Оливера Војновска
ДЕЗИНФОРМАЦИЈА
Всушност, станува збор за сосема куса вест која се обидува да информира какво време ги очекува граѓаните. Но, тоа го прави на погрешен начин. Па, наместо најобична техничка информација за временската прогноза, фактички, преку насловот се пласира невистинита информација дека ќе се случи „големо невреме“.
Во веста не е посочен ниту изворот на информации. Не е наведено дали тие се добиени од Управата за хидрометеоролошки (УХМР). Иако, според терминологијата во материјалот, веројатно, тој е симнат од сајтот на УХМР и објавен без никаква дополнителна доработка.
Самата вест остава впечаток дека е скудна. Во материјалот што го рецензираме е наведено дека дневната температура ќе се движи од 27 до 35 степени Целзиусови и дека во Скопје ќе има „слично време со температура до 33 степени“. Меѓутоа, не се посочува каде ќе биде измерена најниската, а каде највисоката температура.
Во втората реченица, пак, само се кажува дека:
„Попладне е можна појава на изолирана нестабилност“.
Но, не споменува конкретно за каква нестабилност станува збор. Дали, можеби, одеднаш ќе заврне и ќе има силен дожд.
Така што, од содржинскиот дел на веста никако не може да се заклучи дека ќе има „големо невреме“, каква што е формулацијата употребена во насоловот. Кој е најпроблематичен елемент во веста. Тој е збунувачки, дезинформира, има драматичен призвук и сосема непотребно ги алармира граѓаните да се подготват! А всушност целосно виси. Делува дури комично, па наиде и на потсмев на социјалните мрежи.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
делумно
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
нема прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
нејасен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
стилски неуреден
неповрзан со тагови