Рецензија: Скопјани можат мирно да спијат – МВР затвори познат убиец
Објавено во Рецензии
on 8 - 05 - 2014 Автор: Зоран Бојаровски
Со само една реченица, еден граѓанин, без никаква основа, е етикетиран како „познат“ убиец, а тоа дека бил уапсен од полицијата, значело дека скопјани сега можат мирно да спијат. Ништо во таа реченица на го потврдува тврдењето во насловот дека се работи за „познат“ убиец, ниту, пак, дека заради него во градот владеела несоница од страв.
Ептен неодговорна новинарска постапка која произлегува од немањето свест дека дури и осудените лица не се лишени од сите права и дека одговорноста кон тие нивни права останува и понатаму обврска за сите, па и за новинарите.
Линк до оригиналниот напис: Скопјани можат мирно да спијат – МВР затвори познат убиец
Датум и време на објавување: 05. 05. 2014, 12:52
Датум на рецензирање: 07. 05. 2014
Рецензент: Зоран Бојаровски
Она што е најтрагично е дека овој наслов, кој на крајно несоодветен начин лепи тешка етикета на една личност, е изведена од една реченица од полицискиот билтен која со ништо, ама баш со ништо не индицира дека се работи за „познат“ криминалец. Еве ја реченицата од билтенот, па проценете сами:
„СВР Скопје го лиши од слобода 45-годишниот Горан Г. од Скопје, кој се барал за издржување затворска казна во траење од десет месеци, за сторено кривично дело ’убиство од небрежност’.“
Нема никакви елементи за да се именува сторителот на кривичното дело „убиство од небрежност,“ „познат“, ниту, пак, има елементи кои укажуваат дека градот Скопје бил вознемирен до несоница.
Дури и да има некоја потреба да се елаборира делото на обвинетиот, фактите дека се работи за казна од 10 месеци и дека се работи за кривично дело „убиство од небрежност“, сами по себе говорат дека станува збор за настан со смртни последици кои не се предизвикани со предумисла или со мотив кој неопходно имал за последица нечија смрт.
Висината на казната и основата за кривичното дело упатуваат дека се работи за околности кои најчесто произлегуваат од сообраќајна несреќа со тешки последици, или од некои други околности кои, трагично и за жал, предизвикале смртни последици од небрежност.
Но, овде ќе ја запреме нашата елаборација за да не ја направиме ниту приближно истата грешка направена во текстот што го рецензираме – да изведуваме заклучоци и наслови за кои нема ама баш никаква основа.
Во вакви случаи, доколку некој медиум сака да елаборира нешто од билтенот на полицијата, тогаш задолжително е квалификациите за таквите случаи да ги даде стручно или овластено лице.
Овде тоа го немаме, а имаме поигрување со несреќата на луѓето.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
нема извртување на вистина (спин)
не може да се утврди
наклонетост
друга пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови