Непочитување на плурализмот на идеи и на ставови
Објавено во Рецензии
on 28 - 05 - 2015 Автор: Александар Писарев
[Рецензија: Скандалозно интервју на Заев ги открива неговите планови]
Рецензираме кратка вест која според датумот и времето на објавување е почеток на канонада во провладините медиуми против лидерот на опозициската партија СДСМ, Зоран Заев, само затоа што во интервјуто на косовската телевизија слободно го искажал своето мислење околу потребата граѓаните на Македонија да го научат и aлбанскиот јазик. Веста отвoра дилема дали граѓаните кои не се Албанци, а зборуват или учат албански се антимакедонци.
Линк до оригиналниот напис: Скандалозното интервју на Заев ги открива неговите планови
Датум и време на објавување: 24.05.2015, 16:04
Датум на рецензирање: 26.05.2015
Рецензент: Александар Писарев
ФАБРИКА ЗА „НЕПРИЈАТЕЛИ“
Препознатлив по масовно производство на непријатели, медиумот со овој текст му го ускратува на Зоран Заев основното со Устав гарантираното право на слободата на говорот, јавниот настап, слободата на уверувањето, совеста, мислата и јавното изразување на мислата (Член 16 на Уставот).
За авторот што се потпишал под текстот е скандалозно и самото размислување на Заев дека би било корисно за мултиетничка средина каква што е Македонија децата низ образовниот процес да го научат и албанскиот јазик, јазик на втората по големина ентичка заедница во Македонија. Идејата која на социјалните мрежи доби широка поддршка од граѓаните.
„Срамни скандалозни и антимакедонски се изјавите на Зоран Заев во интервјуто за косовската телевизија, коментираат експертите.“
ДОЛЕВАЊЕ МАСЛО НА ОГНОТ
Тезите дека Заев со ова интервју ги поткопува темелите на македонската држава и дека е тоа негово сценарио и план за разнебитување на Македонија ниту се издржани, ниту се поткрепени со факти, туку се измислена конструкција во полза на владејачката партија за сатанизација и за дискредитација на политичкиот противник.
Секој напишан збор во овој текст заслужува широка опсервација и елаборација и врз основа на тоа може да се каже дека не изјавата на Заев, туку овој текст, подготвен во машинерија за призводство на непријатели, е скандалозен. Затоа што една сосема легитимна и корисна идеја од лидерот на најголемата опозициска партија СДСМ, искажана како размислување во интервју на косовската телевизија, се сатанизира и се долева масло на огнот во многу чувствителен миг во кој живее државата. Текстот е директно во функција на создавање меѓуетнички тензии.
„Според нив, обидот за додворување во албанскиот политички блок за сметка на македонскиот национален интерес е копање под дното на македонската политика.“
ЧИТАЊЕ МИСЛИ
Авторот, за докрај да го дисквалификува политичкиот противник на опцијата што ја подржува, понатаму ги „чита мислите и ги открива плановите“ на Заев и ја пронаоѓа точката на која Македонците се најчувствителни. Му импутира дека мултикултурализмот за кој лидерот на опозицијата зборува како за важен елемент за релаксирање на меѓуетничките односи, е комплетно негирање на македонскиот идентитет во преговорите за името и федерализација на државата. Теза која нема никаква врска со она што Заев го зборувал во интервјуто на косовската телевизија.
Медиумот јавно истапува и се противи на идејата која може само да оди во прилог на смирување на состојбата во државата, развој на демократијата и унапредување на меѓунационалните односи и на развојот на мултиетничко, мултикултурно и мултиконфесионално македонско општество. Го сатанизира учесникот во интервјуто и не му го почитува правото слободно да го каже она што го мисли.
Не е испочитуван основниот принцип на однесување на Кодексот на новинарите на Македонија кој вели :
Следејќи ја својата улога во градење на демократското и цивилното општество новинарот ќе го почитува плурализмот на идеите и ставовите.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
стилски уреден
неповрзан со тагови